نوونەراتیا ئەنەكەسێ ل ئەورۆپا داخویانییەك بەلاڤ كر

نوونەراتییا ئەنجوومانا نشتیمانییا كوردی ل سووریێ(ئەنەكەسێ) یا ئەورۆپا، جڤینا خوە یا ئاسایی رۆژا (3.2.2019)، ل باژارێ ئیسنێ ئەلمانی ل دارخست.

پشتی خولەك بێ دەنگ ل سەر جانێ شەهیدێ كورد وكوردستانێ، نوونەراتییا ئەنجوومانێ، گەلەك مژارین سیاسی ورێخستنی ژبۆ ئەكتیڤكرنا رۆلا ئەنجوومانا نتشمیانیا كوردی ل ئەورۆپا وپێشخستنا وێ باسكرن و رۆلا ئەنەكەسێ د خزمەتا رەڤەندا كوردی ل ئەورۆپا دە نرخاندن و داخوازا بهێزكرنا پەیوەندیێن جڤاكی دناڤبەرا رەڤەندێ دە كر.

هەروسا مژارا تێكلی وپەیوەندی ب نفشێ نوو یێ رەڤەندا كوردی ل تەڤاهیا ئەورۆپا و چاوەنییا مفا وەرگرتن ژ هێز وشیانێن وان بەشەكی دن یێ كارنامەیا جڤینی بوو .

نوونەراتیا ئەنەكەسی ، تشتێن كو ل عەفرینی رووددن وگوهەرتنا دیمۆغرافی وكریارێن رەڤاندن و گرتن و دەستەسەركرنا مال ومولكێن مللەتی عەفرینێ گۆتووبێژكرن و شەرمەزار كر و دا زانین كو ئەڤ كریار دژی مافێن مرۆڤانە...

نوونەراتیا ئەنەكەسێ یا ئەورۆپا دانووستاندنێن ناڤدەولەتی وهەرێمی تایبەت ب دەڤەرێن رۆژهلاتێ چەمێ وناڤچەیێن ئارام كو بریارە وەرە ئاڤاكرن وپێشهاتەێن داوێ و هەولدانێن ژبۆ پەیداكرنا ئەكرێزیا كوردان گۆتووبێژكرن، تەڤی كو كادرۆێن ئەنەكەسی وپارتێن سیاسی ل وەلێت و بەردەوامی راستێ ئاستەنگییان تێن ل سەر دەستێ پەیەدێ، ئەو ب ئارمانجا نەهشتنا ژیانا سیاسی ل كوردستانا سووریێ و بەرئاڤیتنا ئارمانجێن مللەتێ كورد وپرۆژەیا نەتەوەی كوردی ل كوردستانا سووریێ وئەو دۆزا كو ژبۆ وێ، ب هەزاران كەچ ولاوێن كوردێن سووریێ ب ئاوایەكی خوەبەخش تەڤلی رەفێن پێشمەرگەێن رۆژ بوونە.

دەربارێ ڤەژاندنا بۆنەیێن كوردی ورۆژێن كوردستانێ د هەیڤا ئادارێ دە، كو پرانیا رۆژێن مها ئادارێ گرێدای كەیف وخوەشی و نەخوەشیێن كوردانە، نوونەراتیا ئەنجوومانا نشتیمانیا كوردی ل ئەورۆپا بریار دا، گەلەك چالاكییان ل سەرانسەری ئەورۆپا رۆژا سالڤەگەرا باڤێ نەتەوا كورد ملامستەفا بارزانی و رۆژا پاكرەوانێن (شەهیدێن) كوردستانا سووریێ وسەرسالا كوردی (رۆژا نەورۆزێ) ڤەژینە.

ر.ع

707