عهفرین .. پشتی رهڤاندنا دهرمانسازهكێ ، پارێزهرهك و جوانهك هاتن رهڤاندن
پشتی كو گرووپێن چهكدار ل عهفرینا رۆژئاڤایێ كوردستانێ دهرمانسازا كورد یا بناڤێ عواش سامی ل گوندێ قتمێ یێ سهر ب ناڤچهیا شهرا ڤه رهڤاند ژێدهران ئهشكهره كرن كو پارێزهر وجوانهكی كورد هاتن رهڤاندن .
ژێدهرهكی تایبهت ژ ناڤ باژارێ عهفرینێ ژ ئاركێ ره راگهاند كو پێنشهما بووری 21/2/2019 گرووپێن چهكدار پارێزهر محمد مصتفی بلال ژ دادهگهها عهفرینێ رهڤاند وبهرڤ جههكی نهدیار ڤه بر .
دهربارێ سهدهمێن رهڤاندنێ ژێدهرێ تهكهز كر كو پارێزهرێ ناڤبووری بهرهڤانییا د بهر دۆسهیا گرتییان وكهسێن وندای و رهڤاندی ده دكر لوهما هات رهڤاندن .
ل ئالییهكی دن ل ناڤچهیا شیێ ژێدهرێن خوهجهی راگهاندن كو گرووپێن چهكدار جوانهكی كورد رهڤاند و بهرڤ جههكی نهدیار ڤه بر .
ژێدهران تهكهز كرن كو جوانێ ب ناڤێ عبدالله محمد شوقی یێ 19 سالی ژ ئالیێ گرووپێن چهكدار ڤه هاته رهڤاندن وبهرڤ زیندانێن جندرێسێ ڤه هاته برن.
عبدالله محمد شوقی سالا بووری دیسا هابوو رهڤاندن ول ههمبهر سهربست بهردانا وی مالباتێ پهره دابوون داكو وهره سهربست بهردان .
پارێزهر محمد مستفی بلال و جوانێ عبدالله محمد شوقی خهلكێ ناڤچهیا شیێ نه تا نها تو ئاگاهی ل سهر وان تونهیه .
ش.ع
303
