ئه‌مه‌ريكا 50 تون زێر ژ سووريێ برن
ژێده‌ره‌كی خوجه‌هی ژ كوردستانا سووریێ راگهاند كو هێزێن ئه‌مریكى یێن كو ل سووریێ دمینن ب ده‌هان تونێن زێر یێن چه‌كدارێن داعشێ ده‌ست دانین سه‌ر و برن وه‌لاتێ خوه , بته‌نێ به‌شه‌ك بچوك ژ بو چه‌كدارێن په‌یه‌دێ هشتن .
مالپه‌را باس نیوز ل سه‌ر زارێ ژێده‌ره‌كی خوه به‌لاڤ كریه كو هێزێن ئه‌مریكى د شه‌رێ ژناڤبرنا چه‌كدارێن داعشێ ل ده‌ڤه‌را باغوز ل گونده‌وارێ دێرا زورێ ب ده‌هان تونێن زێر دیتن كو تێ پێشبینى كرن كو نیزیكى 50 تون زێره كو ب ریا بنگه‌ها كوبانێ یا له‌شكه‌ری به‌رڤ ئه‌مه‌ریكا ڤه هاتن شاندن وبته‌نێ به‌شه‌كی بچوك ژ بو چه‌كدارێن په‌یه‌دێ هشتن .
بنگه‌ها كوبانێ یا كو ل باشورێ كوبانێ دكه‌ڤه فروكهانه‌یه‌ك له‌شكه‌ری ل خوه دگره كو ئه‌ڤه چه‌ند ساله هێزێن ئه‌مریكی ل سووریێ بكارتئانین ژ بو ڤه‌گوهه‌ستنا چه‌ك وته‌قه‌مه‌نیان .
به‌ریا نه‌ها ژی ره‌وانگه‌ها سوری یا مافێ مروڤان راگهاندبو كو زێرێ چه‌كدارێن داعشێ كو ل ده‌ڤه‌را باغوز هاتبو كوم كرن نیزیكى 40 تون زێره و بده‌هان ملیونێن دولاران هه‌بو كو چه‌كدارێن داعشێ ئه‌و زێر ژ ده‌ڤه‌رێن كونترول كرنا خوه ل سووریێ كوم كربون .
هه‌روه‌ها روژنامه‌یا واشتنتن بوست یا ئه‌مریكى راگهاندبو كو چه‌كدارێن داعشێ ل سووریێ وعیراقێ پاره‌یێن گه‌له‌ك ژ ده‌ڤه‌رێن كونترولكرنا خوه ل سووریێ وعیراقێ كوم كرنه و هه‌مى ل ده‌ڤه‌رێن دبن كونترولا خوه ل دێرا زورێ ڤه‌شارتنه .
545
