لاڤروڤ: ئه‌گه‌ر هه‌يه‌ روسيا به‌شداريێ د ئاڤاكرنا ده‌ڤه‌را ئارام بكن

وه‌زیرێ ده‌رڤه‌ یێ روسیا سیرخی لاڤروڤ راگهاند كو ئه‌گه‌ر هه‌یه‌ كو وه‌لاتێ وی ژی به‌شداریێ بكه‌ د ئاڤاكرنا ده‌ڤه‌را ئارام ل باكورێ سووریێ ئه‌گه‌ر هات و ئه‌ڤ بروژه‌ ب سه‌ر كه‌ت وده‌ڤه‌را ئارام هات ئاڤاكرن .

وه‌زیرێ ده‌رڤه‌ یێ روسیا سیرخی لاڤروڤ به‌ریا كو سه‌ره‌دانا صین وڤێتنام بكه‌ ژ راگهاندنا وان وه‌لاتان ره‌ گوت كو به‌حسا ده‌ڤه‌را ئارام تێ كرن ل سه‌ر بنگه‌ها رێكه‌فتنا دناڤبه‌را توركیا وسوریا ده‌ د سالا 1998 كو ل سه‌ر بنگه‌ها هه‌ماهنگی وئالیكاریێ دناڤبه‌را هه‌ردو ئالان ده‌ هاتبو ئیمزه‌كرن .

لاڤروڤ ته‌كه‌ز كر كو وان كه‌له‌ك كار د ڤی واری ده‌ كرنه‌ وئاڤاكرنا ده‌ڤه‌رێن كێمكرنا ئاستێ شه‌ر یان ده‌ڤه‌رێن ئارام كو هه‌ر ده‌م پولیسێن له‌شكه‌ری روسی به‌شداری تێده‌ دكرن لێ ئه‌شكه‌ره‌ كر كو كه‌سێن له‌شكه‌ری هه‌ماهنگیێ د ڤێ ده‌ربارێ ده‌ دكن پشتى وه‌رگرتنا نه‌رینا رێژیما سووریێ وتوركیێ .

لاڤروه‌ها سه‌رباركر وگوت كو تو لهه‌ڤكرنه‌ك روسی توركی نینه‌ ده‌رباری كیژان ئالیێ كوردى ل سووریێ ته‌رورستیه‌ د نه‌رینا توركێ ده‌ ومه‌ترسیا وێ ل سه‌ر ئه‌وله‌هیا وێ هه‌یه‌ .

لاڤروڤ دا دیاركرن كو تێگهشتنه‌ك هه‌ڤبه‌ش ب توركیێ ره‌ نینه‌ گه‌لو كیژان ئالیێ كوردى تیروریسته‌ ژ به‌ر كو توركیا ب فكاره‌ ژ ڤی یه‌كێ لێ پیویسته‌ جودابونه‌ك په‌یدا ببه‌ وئالیێ تیرویست ل جه‌م توركیا وه‌ره‌ دیاركرن .

هه‌ر روژ به‌رپرسێن توركی رادگهینن كو پیویسته‌ چه‌كدارێن په‌كه‌كێ وباسكێ وێ له‌شكه‌ری ل سووریێ په‌یه‌دێ ژ ده‌ڤه‌رێن سینوری پێ ره‌ وه‌رن كشاندن كو بگوتنا توركیا ئه‌و چه‌كدار مه‌ترسینه‌ ل سه‌ر ئه‌لوه‌هیا توركیێ .

594