ئهمهريكا ل سهر جيبهجيكرنا رێكهفتنا منبجێ ئهرێ كر
بهرپرسهكى توركى راگهاند كو ئهمهریكا ل سهر بهردهوامیا كار ل سهر رێكهفتنا نهخشهریا منبجێ ئهرێ كر وجیبهجیكرنا وێ د دهمهكه نیزیك ده پشتى هژمارهك جڤین ل گهل بهرپرسێن ئهمریكی ل واشتنتونێ .
ئاژانسا ئهنادول دیاركر كو وهزیرێ بهرهڤانیا توركیێ خهلوسی ئاكار ل گهل وهزیرێ بهرهڤانیا ئهمهریكا باتریك شاناهان وسهروك ئهركانێ ئهمریكى یشار غولر وشاندهرێ ئهنقهره ل واشتنتونێ سردار كیلیتش ره جڤیا .
ههر ل گوری زانیاریان كو د جڤینێ ده ههردو ئالیان بهحسا مژارێن گرێدایی ژناڤبرنا تهرورێ ژ روژهلاتا ناڤین ههروهها هندهك مژارێن دن یێن تایبهت ب رهوشا سووریێ ورێكهفتنێن دناڤبهرا ههردو ئالیان ده دهربارێ سووریێ .
ئاژانسا ناڤبوری دیاركر كو خهلوسى ئاكار ژ ههفشانێ خوه یێ ئهمریكى ره تهكهز كر كو توركیێ رژده ل سهر ژناڤبرنا چهكدارێن پهكهكێ وپهیهدێ وداعش وگروپا غولن .
وهزیرێ بهرهڤانیا توركیێ سهرباركر وگوت كو ئالیێ ههلوهستا ئهمهریكا ژی ئهرێنى بو كو ل سهر بلهزكرنا جیبهجیكرنا رێكهفتنا نهخشه ریا منبجێ ئهرێ كرن وتهكهزی ل سهر بهردهوامیا وێ د دهمهك نیزیك ده كرن .
ئاكار ههروهها دا دیاركر كو وان تهكهزی ل سهر گرنگیا ڤالاكرنا منبج ژ چهكدارێن پهیهدێ د دهمهك نیزیك ده كرن ههروهها كشاندنا چهكان ژ وان ورادهستكرنا باژار ژ بو خهلكێن وێ .
د نیڤ سالا بوری ده ئهمهریكا وتوركیا رێكهفتنا نهخشه ریا منبج ئیمزه كرن تێده تهكهزی ل سهر گرنگیا دهرخستنا چهكدارێن پهیهدێ ژ باژار ورادهستكرنا وێ ژ بو خهلكێن لێ تا نهها ئهو رێكهفتن نهكهتیه وارێ جیبهجیكرنێ ده .
415
