بهرپرسهكى ئهمريكى: ئهمێ 400 لهشكهرێن خوه ل سووريێ بهێلن
بهرپرسهكى پلهبلند د رێڤهبهریا ئهمریكى ده راگهاندد كو وهلاتێ وى وێ 400 لهشكهرێن خوه ل سووریێ بهێله ودیاركر كو ئهو لهشكهر وێ ل دهڤهرا ئارام یا كو پیویسته ل باكورێ سووریێ وهره ئاڤاكرن بهلاڤ ببن .
ل گورى میدیایێن ئهمریكى ل سهر زارێ بهرپرسهكى كو ناڤێ وی ئهشكهره نهكرنه بهلاڤ كرنه كو 400 لهشكهرێن ئهمریكى یێن كو وێ ل سووریێ بمینن وێ ل سهر دهڤهرا ئارام وبنگهها تنف یا لهشكهری ل سهر سینورێ ئوردنێ وهرن بهلاڤ كرن .
بهرپرسێ ناڤبوری ههروهها دیاركر كو 200 لهشكهر وێ ل دهڤهرا ئارام وهرن ئاڤاكرن كو ئهگهر ههیه ئهو هژمار ببه نیزیكى 800 ههتا 1500 لهشكهری ژ لهشكهرێن وهلاتێن ئوروپى ژ بو ئاڤاكرنا دهڤهرا ئارام وچاڤدێریا وێ .
ل گوری چاڤدێران كو هشتنا ئهمهریكا ژ هژمارهك بچوك ژ لهشكهرێن خوه ل سووریێ هات ژ بو شاندنا وهلاتێن ئوروپى ژی ژ لهشكهرێن خوه ره ئهگهر پروژهیا ئاڤاكرنا دهڤهرا ئارام ل باكورێ سووریێ بداوى هات .
لێ میدیایێن ئوروپى مهترسیا وهلاتێن ئوروپى دهربارێ شاندنا هێزێن خوه ژ بو سووریێ دیاركرن كو وهلاتێن ئوروپى دترسن ژ ههلوهستا ئهمهریكا دهربارێ سووریێ كو ههر روژ ههلوهستهك نو یه ونهرینهك نو یه .
بریارا سهروكێ ئهمهریكا ب مانا هێزهكه ئهمریكى ل سووریێ كاریبون رهخنهیێن كو ل بریارا ڤهكشاندنێ هاتن كرن كێم بكن كو هاته گوتن كو ئهگهر ههیه ب ڤهكشاندنا ئهمریكى ژ سووریێ چهكدارێن داعشێ دیسان چالاك ببن .
409
