كۆنگرەكە ناڤدەولەتی دەربارێ گرتیێن ژن وزارۆك د زندانێن ئەسەد ە هات ل دارخستن
ب دەهان رێخستنێن خوەجهی و ناڤدەولەتی داخوازا سەربەرست بەردانا گرتیێن ژن و ازرۆك د زندانێن رێژیما ئەسەد دە كر، وتەكەزی ل سەر گرنگییا سزادانا بەرپرسێن تاوانێن شەر ل سوریێ وەك بنگەها دادوەریی یا قۆناغا ڤەگوهێز كرن.
ئەو یەك د كۆنگرێ ناڤدەولەتی كو ئستەنبۆلێ دوه رۆژا چارشەمێ (20.2.2019) ، كو ل سەر داخوازا "حركة الضمیر" ی اكو دناڤا وێ دە رێخستنێن ناڤدەولەتی و كەسایەتین مافپەروەر و بەرلەمانتەر و وهونەرمەند جه دگرن ، دبن ناڤنیشانا " هەتا رزگاركرنا داوین ژن و زرۆك د گرتیگەهێن سووریێ دە" هاتبوو ل دارخستن.
د وی گۆنگرەی دە، نوونەرین (55) وەلاتی بەژدار بوون، ودناڤا وان دە ژی كەسایەتێن خودان رۆل ل سەر ئاستا ولاتێن خوە و جیهانێ ژی هەبوون.
سەرۆكێ كۆمیتا كارۆبارێن گرتی و ووندابوویان د هەڤپەیمانییا نشتیمانی یا هێزێن شۆرەشی و ئۆپۆزسیۆنا سووریێ، یاسر الفرحان، پشتەڤانییا خوە ژبۆ ئارمانجێن كۆنگری دا دیاركرن، ودا زانین كو باردۆخا گرتنێ ورەوشا گرتیان د زندانێن رێژیما ئەسەد دە، نە وەك چ رەوشا گرتیێن چ وەلاتەكی نە، وتەكەز كر كو شێوەیێن ئەشكەنجەیێ یێ درندە ووەحشی كو بوویە سەدەما كوشتنا هەزاران ژ گرتییان هەتا نها د گرتیگهەێن ئەسەد دە.
سەركردەیێ هەڤپەیمانیێ، ئاماژە ب گرنگییا سزادانا بەرپرسێن تاوانێن شەر وگرتنا ژن وزارۆكان وئەنجامدەرێن كۆمكوژییان كر، ودا زانین كو وێ ب ئاوایەكە مەزن خزمەتا چارەسەرییا سیاسی ل گۆر بریارێن ناڤدەولەتی بكە.
بەردەڤكا وێ تەڤگەرێ ژی ژئالیێ خوە ڤە ، دیار كر كو ئارمانجا كۆنگر ئەو كو بالا دەولەتان بكشینە سەر ئێش وئازارێن ژنێن كو د زندانێن رێژیما ئەسەد دە نە و راستی ئەشكەنجەیێ و دەستدرێژییا سێكسی تێن و دا زانین كو تەڤگەر هەمی هەولێن خوە دكە كو هژمارەكە مەزن ژ ژن و زارۆكێن كو ژ سالا 2011 ڤە هاتنە گرتن ، رزگار بكە.
د داوییا كۆنگر دە، تەڤگەرێ داخویانیەك بەلاڤ كر و تێدە هژمارا ژنێن د گرتیگەهێن رێژیما ئەسە دە دا زانین كو زێدەتری (13، هەزار و(500) ژن هەبوون كو ژ دەستپێكا شۆرەشا سوورێ د سالا 2011 ڤە و هەتا نها ژی زێدەتری (7) هەزار ژن هێژی گرتی مانە و راستی ئەشكەنجەیێ و لێدانێ و تووندوتیژی و دەستدرێژیا سێكسی تێن ، ئیدی رێژیما ئەسەد ل همبەر ژنێ دەست درێژیا سێكسی مینا چەكەكێ بكار تینە.
ر.ع
281