عهفرین .. تهدبیر ژ بۆ كارێ دزیێ ل جندرێسێ هاتن ستاندن
آرك نيوز .. ل عهفرینا رۆژئاڤایێ كوردستانێ ل ناڤ باژێر وناڤچه وگوندێن وی كارێ دزی و دهستهسهركرنا مال وملكێن وهلاتیێن سڤیل ژ ئالیێ گرووپێن چهكدار ڤه بهردهوامه وئهنجومهنێن خوهجهی ب ههمانههنگی ب ئالیێن بهرپرس وپهیوندار ره كار ژ بۆ دانینا سینۆرهكێ ژ وان كریاران ره دكن .
ژ بهر بلندبوونا ئاستا دزیێ ل ناڤ ناڤچهیا جندرێسێ ئهنجومهنا خوهجهی یا جندرێسێ بلاڤۆكهكه بهلاڤ كر تێده راگهاند كو نڤیسگهههكه نۆبهداریێ ل ناڤ ناڤچهیێ ڤهكریه دا كو ب شهڤ ل ناڤ تاخێن ناڤچهیێ رهوشێ ب شۆپێنه وگهران ئهنجام بده .
ل گۆر بهلاڤۆگا كو ئهنجومهنا خوهجهی یا جندرێسێ وكۆپییهك گهشت ئاركێ تێده هاتیه ژ بهر كو گهلهك رهوشێن دزیێ ل ناڤ ناڤچهیێ هاتن تۆماركرن و ژبۆ دانینا سینۆرهكێ ژ دزیێ ره نڤیسگههك نۆبهداریێ ب ههماههنگی ناڤبهرا ئهنجومهنا خوهجهی یا جندرێسێ وشاخێ پۆلیسێن لهشكهری وسهرۆكاتییا سڤیلان ودادوهرییا لهشكهری و سڤیل هاته ڤهكرن .
ل گۆر ههمان بهلاڤۆكێ كو نڤیسگهها نۆبهداریێ رۆژانه ژ دهمژمێر 10 شهڤێ تا شهشێ ئیڤارێ دێ بكارێ خوه رابه و گهران ل ناڤ تاخێن ناڤچهیێ ئهنجام بده ههروهها هژمارا ئالیێن پهیوهندیدار ل ژێر بهلاڤۆكێ دانییه داكۆ خهلك گلیێن خوه پێشكێش وان بكن ئهگهر تو لڤ وتهڤگهرهك نه رهوا ل ناڤ ناڤچهیێ دیتن .
ژ بهر پربوونا هژمارا گرووپێن چهكدار ل ناڤ عهفرینێ كو ژههر ئالییهك هاتنه ودهستێ خوه دانینه سهر گوندان و ژ خوه ره گوند و تاخ پارڤهكرن ئیدی دهما دزیێ چێدبه خهلكێ سڤیل نزانن بهرێ خوه بده كو دهرێ و گلیێن خوه پێشكێش بكن .
لێ ب راگهاندنا ئهنجومهنا خوهجهی یا جندرێسێ ژ نڤیسگهها نۆبهدارییا ب شهڤ خهلكێ ناڤچهیێ ب هێڤی وئۆمید كر كو ئیدێ كارێ دزیێ وهره راوهستاندن و تهدبیرێن وهها ل سهرانسهری ههرێمێ وهره راگهاندن داكو دز ژ ناڤ عهفرینێ وهره دهخستن و ئارامی و ئاشتی ڤهگهرێ ههرێمێ .
ش.ع
386
