ئەلمانیا داخوازا رادەستكرنا جەمیل الحسن ئەنجامدەرێ تاوانێن شەر ژ حكوومەتا لبنانێ دكە

ئەلمانیا داخواز ژ حكوومەتا لبنانی كر كو یەك ژ بەرپرسێن هەری مەزن یێن رێژیما ئەسەد، پشتی دەرخستنا دادوەریا ئەلمانیا یاداشتنامەیەكە گرتنێ دەرهەقێ وی دە دەرخست، ب سەدەما ئەنجامدانا تاوانێن شەر دەرهەقێ سڤیلان ل سووریێ.

گۆڤارا دێرشبیغل گۆت كو بەرلین داخواز ژ لبنانێ كرییە كو فەرماندارێ ئستخباراتا ئەسمانی یا رێژیما ئەسەد جمیل الحسن كوت ێ تەخمین كرن ئەو ژبۆ دەرمانكرنێ ل لبنانێ بە رادەست بكە.

گۆڤارێ لێ زێدە كر كو ئەڤ جارا یەكەمینە كو حكوومەتا ئەلمانییا ب ئاوایەكی دپلۆماسی ل بەرپرسێن ئەنجامدانا تاوانێن شەر ل سووریێ ژ رێژیما دەكتاتۆر یا ئەسەد دگرە.

رێڤەبەرێ تۆرا سووریێ یا مافێن مرۆڤان فضل عبدالغنی دا زانین كو ئەڤ تەڤگەرا ئەلمانی نامەیەكە بهێزە ژبۆ چەتەێن كیمیاوی كو ئەو "نكارن رزگار ببن"، وەك ئاماژەیەكێ ژبۆ داخوازێن تۆرەیێ یێن بەردەوام ژبۆ سزاكرنا بەرپرسێن دبەر تاوانێن شەر یێن ل سووریێ هاتنە ئەنجامدان.

ل گۆر گۆڤارێ ئەڤ داخوازنامە لڤ وتەڤگەرا الحسن ئاستەنگ دكە، و فشارێ ل سەر رێژیما ئەسەد زێدە دكە، كو یەكیتییا ئەورۆپایێ ل دژی وی هن تەدبیران دكە ژبۆ بدوڤچوونا ئەنجامدەرێن تاوانان، هەروها سەپاندنا سزایێن ئابووری یێن تووند كو هن زلامێن كار كۆمپانیێن گرێدایی رێژیمێ ل خوە دگرە.

سەردۆزگەریا ئەلمانی داخوازەكە ناڤدەولەتی دەركربوو ژبۆ گرتنا جمیل الحسن ب تۆمەتا ئەنجامدانا تاوانێن ل دژی مرۆڤاتیێ ل سووریێ، و ئەڤ یەك د چارچۆڤەیا هەماهنگییەكە ئەولەكاری ئەلمانی – فەرەنسی ژبۆ بدووڤچوونا ئەنجامدەرێن تاوانێن شەر ل سووریێ برێڤە دچە، ل گۆر "دادوەرییا جیهانی" یاكو دهێلە كەسێن كو یاسا بنپێ كرنە ژ دەرڤەیی خاكا خوە ژی سزا ببن.

حەفتییا دەرباسبوویی سەردۆزگەرییا گشتی یا فەرەنسا و ئەلمانیایێ گرتنا هن فەرماندەرین ئستخباراتا رێژیما ئەسەد راگهاندن كو دەستێ وان د تاوانێن ل دژی مرۆڤاهیێ ل سووریێ هەبوو.

ر.ع

614