بریندار ژ وەلاتیێن سڤیل و دووبارەبوونا پێلا كۆچبەریێ ل گوندەوارێ حەمایێ ژبەر بۆمبەبارانا رێژیمێ
رۆژا یەكشەممێ، پێنچ كەسێن سڤیل ب ئاستێن جودا بریندار بوون، ژبەر تۆپبارانا گران ژ ئالیێ هێزێن رێژیما ئەسەد ل سەر باژارێ ئەلشەریعە ل رۆژئاڤایێ حەمایێ، هەروها بوو سەدەما پەیدابوونا پێلەكە كۆچبەریا نوو ل پرانییا دەڤەرێن بۆمبەبارانكری، هەڤدەم ل گەل پێكئانینا كۆمكوژیان ل دژی سڤیلان ژ ئالیێ هێزێن رێژیمێ د هەردو رۆژێن بووری دە.
ل گۆر چالاكڤانێن گوندەوارێ حەمایێ، چەند باژارۆك ب چەكێن گران و ب هاونان ژ ئالیێ هێزێن ئەسەد هاتن تۆپبارانكرن، د ناڤ دە ئەل لاتامنا و كەفر زێتا، زكات و تل الصخر، جانابرا، تل هواش وحصرایا و ئەل جیسات، والاربعین وقلعەت المضیق، وگوندێن جماسە و وجسر بیت الراس وباب الطأقە و الحویز و التوبە و الكركات و التوینە ل گوندەوارێ حەمایێ.
ل \ۆر مەدیایا خوەجهی، گوند و باژارۆكێن ناڤچەیا كەلها المضیق ب گرانی ژ ئالیێ هێزێن رێژیمێ هاتن تۆپبارانكرن، وبوو سەمەدەما پەیدابوونا كۆچبەربوونا وەلاتیێن باكورێ حەمایێ كو ب دژاوری ژ ئالیێ هیزێن رێژیمێ ڤە هاتن تۆپبارانكرن، ب تایبەتی پرانییا دەڤەرا باشووریێ دەشتا الغاب.
ژ ئالیێ خوە ڤە، هەڤپەیمانیا نشتیمانی یا هێزێن شۆرەشێ و ئۆپۆزسیۆنا سووریێ ، بانگ ل جڤاكا ناڤدەولەتی كربوو ژبۆ بداویكرنا تاوانێن هیزین رێژیمێ، و تەكەز كربوو كو ئەڤ كۆمكوژی ژ ئالیێ هێزێن ئەسەد تەكەز دكن كو هێژی بەرێ رێژیمێ ل رژاندنا خوینێ یە ژبۆ ئاستەنگكرنا هەر پێڤاژۆیەكە سیاسی یا وەلات دووری كوشتن ووێرانكرنێن زێدەتر بكە.
ر.ع
425
