ئوغلو: ئهگهر ئهمهريكا پهيهدێ و پهكهكێ ژ روژهلاتێ چهمێ فهراتى دهرنهخه , ئهمێ ب ڤى كارى رابن
وهزیرێ دهرڤه یێ توركیێ راگهاند كو ئهگهر ئهمهريكا روژهلاتێ چهمێ فهراتێ پاقژ نهكه ژ پهیهێ وپهكهكێ وێ توركیێ ڤێ یهكێ ل خوه بگره و چهكدارێن ناڤبوری ژ دهڤهرێ بگشتى دهرخينه .
وهزیرێ دهرڤه یێ توركیێ مولود تشاووش اوغلو د گوتارهكه خوه ده ل پێشیا جهماوهرێ پارتیا خوه ل اسبارته دیاركر كو ئهوێ وان دهڤهرێن كو ئهو چهكدار تێده نهشتهجى دبن وێ ژ وان ره بكن گورستان وئهشكهره كر كو وهلاتێ وی شهرێ چهكدارێن پهكهكێ ل سهر سینورێ خوه ب عیراقێ ره ژی دكه .
ئوغلو سهرباركر وگوت كو نهها پیویسته ئهو روژهلاتێ چهمێ فهراتێ ب پارێزن وباقژ بكن ژ وان چهكداران كوب گوتنا وى پیویسته چهكدارێن پهیهدێ وپهكهكێ ژ وێ دهڤهرێ ژ ئالیێ ئهمهریكا وهرن دهرخستن ئهگهر نا توركیا وێ ب ڤێ یهكێ رابه .
ئهڤ گوتار تێ د دهمهكێ ده كو شهرێ رێخستنا داعشێ بداوى هات كو ب ڤێ یهكێ تو حجهتا ئهمهریكا نهما ژ بو پشتگری وئالیكاریا چهكدارێن سوریایا دیموقراتیك كو پهیهدێ بهشهكی سهرهكهنه تێده .
بهریا نهها ژی سهروكێ توركیێ رهجهب تهیب ئهردوگان راگهاندبو كو توركیا ل هێڤیا وێ یهكێ یه كو چهكدارێن پهیهدێ وپهكهكێ ژ باژارێ منبج وهرن دهرخستن ژ ئالیێ ئهمهریكا وهكو جیبهجیكرنهكی ژ سوزێن خوه ههروهها رێكهفتنا نهخشه ریا منبجێ یا كو دناڤبهرا ئهمهریكا وتوركیا ده هاته ئیمزه كرن .
366
