بازارا جل وبەرگێن بالێ ل باژارێ حەسەكێ بەلاڤ بوویە

دەما نها دە، رێژەیەكە مەزن ل خەلكێ باژاری حەسەكێ كرینا جل وبەرگێن بالێ (ئانگو كەڤن ونوه ) باشتر دبینن ل جل وبەرگێن نوو.

دوكانێن جل وبەرگێ بالێ ل باژارێ حەسەكێ بەلاڤ بوونە، ژ بازارا ناڤەندی وهەتا ناڤا تاخ وگەرەكێن باژێر .

خودانێ جهەك جلێن بالێ ل باژارێ حەسەكێ، دبێژە:" خوەستەك ل سەر بازارا مە بهتر هەیە ، جووداهییەكە مەزن دناڤبەرا بهایێ جلو بەرگێن مە ویێن نوو دە هەیە، شەلوالەك نوو ب (8) هەزار لێرەیێ سووریێ یە هەڤدەمێ وێ شەلوالەك كەڤن ونوو ب (1) هەزار لێرەیێ سووریێ ل جەم مە".

و تیشێرتێ ژ جاوێ خوەمالی سووریی تێ چێكرن ئیرۆ ب (8) هەزار لێرەیێ سووریێ یە و ل جەم مە تیشێرتێ بیانی و ئەورۆپی هەیە ب بهایێ (700) لێرەیێ سووریێ).

هەروها وی دوكانداری گۆت:" داخواز و كرین ل سەر ڤان كەلوپەلێن ژ دەولەتێن ئەورۆپی تێ بهترە".

یەك ژ كریاران وها دا زانین، ژ خوە چێكرنا جلێن خوەمالی وسووری ژ مادەیێن خراپە یان دەما كو مرۆڤ بكارتهینە، یەكسەر تێك دچە، و رەوشا دراڤی یا مللەت ژی رۆلێ تێدە دبینە و جل وبەرگێن بالێ گەلەك هەرزانترن ژ جلێن سووری یێ خوەمالی و نوو.

كریارەكە دن گۆت كرینا جل وبەرگێن بالێ هەرزانتر و خوەشكتر و د جۆرایەتیا خوە دە ژی باشترن .

پشتی تەڤلهەڤییا رەوشا سووریێ ، ئیدی كۆالیتی كۆنترۆل ل سەر چ تشتەكی نەمایە و ئیدی كەل وپەلێن كو ل سووریێ تێ چێكرن ب كۆالیتی و جۆرێن خراپ تێن بەرهەمهێنان .

ر.ع

424