نيزيكبونهك عهرهبى ئسرائيلى ل دژى ئيران
پشتی دو روژان ژ جڤین وگفتوگویان كونگرێ وارسو یێ تایبهت ب كێمكرنا مهترسیان ل سهر روژهلاتا ناڤین ب بهشداربونا نهنهر وبهرپرسێن بیهتر ژ 60 وهلاتێن جیهانێ دناڤ وان ده هژمارهك وهلاتێن عهرهب ژى ههبون بداوى هات .
د كونگرێ وارسو ده ههر یهك ژ وهلاتێن سعودیێ وئیماران وبهحرین ومسر ویهمهن وئوردون وكویت ومهغرب وعمان وقهتهر نونهراتیا وهلاتێن عهرهبى كرن .
د داویا كونگر ده ئامهدهبويان تهكهز كرن ل سهر گرنگیا كارێ ههڤبهش ژ بو بدهست خستنا ئهولههی وئارامیێ ل روژهلاتا ناڤین, ههروهها چاوانیا رێكریێ ل تهرورێ وبهلاڤبونا چهكێن كیماوى ومهترسیا وێ ل سهر ئهولههیا دهڤهرێ بگشتی هاته گفتوگو كرن .
جیگرێ سهروكێ ئهمریكی مایك بنس كو یهك ژ بهشداربویان بو راگهاند كو بهشداربویان تهكهز كرن ل سهر وێ یهكێ كو ئیران مهترسیهك مهزنه ل سهر دهڤهرا روژهلاتا ناڤین .
ئهڤ یهكهم جاره كو وهلاتێن عهرهبى ل سهر یهك ماسى ل گهل سهروك وهزیرێن ئسرائیلێ بنيامين نهنتياهو دجڤن كو ئهڤ یهك بوجهێ نهرازیبونا حكومهتا فلهستینى كو مهترسیهك ل جهم وان پهيدا كر كو ئهڤ كونگر ببه ریهك ژ بو بهێزكرنا پهیوهندیێن وهلاتێن عهرهبى ب ئسرائیل ره .
لێ تهڤی ڤێ یهكێ دیاره كو وهلاتێن عهرهبى گرنگیێ ددن راوهستاندنا بهرفرههبونا ئیران د دهڤهرێ ده بێهتر ژ دهستپێشخریا عهرهبى ژ بو ئاشتی دناڤبهرا فلهستين وئسرائيل ده , كو ئهڤ يهك هاته تهكهز كرن پشتى جڤینا نهتنیاهو ل گهل وهزیرێ دهرڤه یێ عمانێ یوسف بن علوی ههروهها سهرهدانا نهتنیاهو بهریا نهها ژ بو ههمان وهلاتی .
نهتنیاهو ژ ئالیێ خوه ڤه ئهشكهره كر كو كونگرێ وارسو دهرفهتهكه ژ بو كار ل گهل وهلاتێن عهرهبى ژ بو بهێزكرنا بهرجهوهندیێن ههڤبهش د شهرێ ل دژی ئیرانێ ده , ههروهها دیاركر كو سهرهدانا وى ژ بو عمان رێ ڤهدكه ژ بو هندهك ئالیێن و وهلاتێن دن كو روپهلهكه نو ب ئسرائيل ره ڤهكن .
ژ ئالیێ خوه ڤه بهردهفكێ بناڤێ وهزارهتا دهرڤه یا ئیرانێ بههرام قاسمی راگهاند ئهڤ كونگر ب نه سهركهفتنێ ودوربون ژ راستیێ بناڤ كر وتهكهز كر كو تو كونگر بێ ئامهدهبونا ئیران وتوركیا وعراق وسوریا ولبنان وفلستین وروسیا وصین نایێ سهركهفتن , ودا دیاركرن كو ئهمهریكا ب كریار وبریارێن خوه تهڤلههڤیێ ل روژهلاتا ناڤین پهیدا دكه .
رامان حسو
464
