توركيا: بناڤكرنا پهكهكێ ب ناڤێ كوردان شاشتيهك مهزنه
وهزیرێ بهرهڤانیا توركیێ د جڤینا خوه ده ل گهل بهرپرسێن ئهمریكی د چارچوڤهیا كونگرێ میونج یێن ئهولههیێ هژمارهك مژارێن گرنگ گفتوگو كرن كو دناڤ وان ده دوسهیا سووریێ ژی گفتوگو كرن .
ل گوری میدیایێن توركی كو وهزیرێ بهرهڤانیا توركیێ خهلوسى ئاكار ل گهل ههر یهك ژ وهزیرێ بهرهڤانیا ئهمریكى باتریك شاناهان وشاندهرێ ئهمهریكا یێ تایبهت ژ بو سووریێ جێمس جیڤرى وئهندامێن ئهنجومهنا پیرێن ئهمهریكا جڤیا .
ل گوری زانیاریان كو وهزیرێ بهرهڤانیا توركیێ ژ بهرپرسێن ئهمریكى ره دیاركر كو رێخستنا پهكهكێ وپهیهدێ سهدهما سهرهكه یه ژ كێشهیێن دناڤبهرا ههردو وهلاتان ده وههر دهم پهیوهندیێن وان تێك دده .
خهلوسى ئاكار ههروهها دیاركر كو پهكهكێ وپهیهدێ نونهراتیا برایێن مه یێن كورد ناكن وئارمانجا بتهنێ تیرویستن نه كوردن وئهكشهر كر كو بناڤكرنا رێخستنا پهكهكێ ب ناڤێ كوردان شاشتیهكه مهزنه .
ناڤبوری ههروهها دیاركر كو یهپهگێ و پهیهدێ باسكێ پهكهكێ نه ل سووریێ لهوما دهرخستنا پهیهدێ ژ باكورێ سووریێ گرنگیهك وێ یا مهزن ههیه ژ بو ئهولههیا سینورێ وهلاتێ مه .
د داویا ئاخافتنا خوه ده ئاكار تهكهز كر كو پیویسته پهكهكێ ورێخستنێن ب سهر ڤه ل سووریێ ل دهڤهرا ئارام نهمینن ب درێژاهیا 440 كیلو مترى وپیویسته توركیێ ئهولههیێ ل وێ دهڤهرێ پهیدا بكه وبپارێزه كو بگوتنا وى توركیێ رێ ناده كو تیرویست ل سهر سینورێ وێ بمينن .
438