سێ شاند ژ كوردستانا سووريێ سهرهدانا شامێ كرن
ژێدهرهك خوجههی ژ كوردستانا سووریێ راگهاند كو د دهما داوى ده سێ شاند ژ كوردستانا سووریێ بهرێ خوه دان شاما پایتهختا سووریێ و لگهل بهرپرسێن رێژیما سووریێ جڤیان .
مالپهرا باس نیوز ل سهر زارێ ژێدهرهكی كو ناڤێ وی ئهشكهره نهكرنه بهلاڤكریه كو سێ شاند ژ كوردستانا سووریێ بهرێ خوه دان شامێ یهك ژ وان شاندا پارتیا پهیهدێ ب سهروكاتیا بدران جیا كورد وشاندددهك ژ پارتیا پێشڤهروا كورد ل سووریێ ب سهروكاتیا حمید حاج دهرویش وأحمد بركات وشاندهك چهكدارێن صهنادید ب سهروكاتیا حمیدی دههام الجهربا .
مالپهرا ناڤبوری دیاركر كو شاندێن ناڤبوری ههر یهك بتهنا خوه جڤین ل گهل بهرپرسێن رێژیما سووریێ پێك ئانین ل ئوفیسا ئهولههیا نشتمانى سوری ب سهروكاتیا لوائ علی مملوك .
شاندا پهیهدێ ل ئوفیسا ناڤبوری ب بهرپرسێن ئوفیسێ ره جڤیان وداخواز ژ رێژیما سووریێ كر كو ل سهر دیالوكێ ئهرێ بكه ژ بو چارهسهركرنا كێشهیێن دناڤبهرا وان ده كو ئهڤ یهك ل سهر زمانێ بهرپرسهكێ بهیهدێ هاته تهكهز كرن .
ژ ئالیێ خوه ڤه شاندا پێشڤهرو ل گهل ئهفسهرهكى د كوشكا كومارى ده جڤیان كو تێده رهش نڤیسهك پێشكێشى رێژیما سووریێ كرن تێده داخواز دكن كو رێژیما سووریێ اعتراف بكه ب مافێن كوردى یێن رهوشهنبیرى وجڤاكى وسیاسى و وهره جیبهجیكرن د دستورا سووریێ ده كو بهرپرسێن رێژیمێ سوز دان كو ڤێ رهش نڤیسێ گفتوگو بكن .
شاندا سسیان ژ ئالیێ چهكدارێن صهنادید ب سهروكاتیا حمیدی دههام الجهربایه كو تێده ل گهل بهرپرسن نه پلهبلند جڤیا پشتى كو سهروكێ رێژیما سووریێ دیتنا دههام الجهربا رهد كر كو د وان جڤینان ده دههام الجهربا داخوازا ههڤپهیمانیهك ههڤبهش ب رێژیما سووریێ كر كو ل جهێ ههڤپهیمانیا وێ ب چهكدارێن پهیهدێ بگره .
473
