ئهنهكهسێ كوشتنا وهلاتيهكى سڤيل ل عهفرينێ شهمهزار كر
ئهنجومهنا نشتمانى یا كورد ل سووریێ بنپێكرنێن بهردهوام ل باژارێ عهفرینێ شهرمهزار كرن بتایبهت تهروركرنا وهلاتیهكی تهمهن درێژ ژ ئالیێ گروپێن چهكدار یێن ل عهفرینێ وداخوازا راوهستاندنا كریارێن ب ئاوهیی كرن .
ئهنجومهنا نشتمانى یا كورد ل سووریێ د داخویانیهك فهرمی ده راگهاند كو تهڤی دهرباسبونا سالهكێ ل سهر دهرباسبونا گروپێن چهكدار ژ بو باژارێ عهفرینێ لێ هین بنپێكرنێن وان دهرحهقێ سڤیلێن عهفرینێ بهردهوامن بێ كو كهسهك ڤان كریاران راوهستینن وكهسێن تومهتبار دادگهه بكه .
ئهنهكهسێ دبێژه كو تهروركرنا وهلاتیێ سڤیل یێ تهمهنێ نیزیكی ههشتی سالی علی قلندر كو خهلكێ معبتلێ یه ل سهر دهستێ كهسێ بناڤێ اسماعیل حج بهكر كو ب سهر ئاسایشا سڤیل ڤه یه میناكهكه ژ بنپێكرنێن روژانه ل عهفرینێ یه .
ئهنهكهسێ بهردهوام كر وگوت كو وهلاتیێ سڤیل شڤانتیا بهزێ خوه دكر لێ چهكدارێ بناڤێ اسماعیل حج بهكر گهف لێ خوار و ئهو كوشتن ژ بهر رێگری لێ كر كو مال وملكێن وی ژێ بستینن كو ئهڤ یهك بنپێكرنهكه مهزنه ژ مافێن مروڤان وئهڤ یهك نایێ قهبول كرن .
ئهنهكهسێ ئهڤ بنپێكرن وبنپێكرنێن دن یێن كو ل عهفرینێ روددن شهرمهزار كر وداخواز ژ ئالیێ بهرپرس كر كو ڤێ بابهتێ ب جدی وهرگرن وكهسێ تومهتبار وهره سزاكرن .
د داویا داخویانیا خوه ده ئهنهكهسێ بانگ ل توركیێ ژی كر كو ب بهرپرسیارهتیا خوه رابه دهربارێ ئهركێن ل سهر وێ دهربارێ مافێ وهلاتیێن رهسهن یێن دهڤهرێ ل گوری رێكهفتن ولههڤهاتنێن ناڤدولهتى .
629
