عەبدالرحمن ئاپۆ: لەشكەرێ رۆژ وێ ژ دێركێ هەتا دەریا سپی بەلاڤ ببن
آرك نيوز...رۆژ ب رۆژ ومژارا ڤەگەرا لەشكەرێ دبە مژارا رۆژەڤێ , وتەڤایا خەلكێ رۆژئاڤایێ كوردستانێ ب گەشبینی سەیری پێشەرۆژا خوە دكن دەما كو لەشكەرێ رۆژ ڤەگەرە رۆژئاڤایێ كوردستانێ , وبەرپرسیارەكی پارتیا دیموكراتا كوردستان سوریا دبێژە كو لەشكەرێ رۆژ وێ ژ دێركێ هەتا دەریا سپی ئانگۆ بەحر المتوست بەلاڤ ببن .
د چارچۆڤەیا بەشداریێ د بەرناما جڤات دە كو شەڤا بووری ل سەر ئاكرانێ ئاركێ هاتە پەخشكرن , عبدالرحمن ئاپۆ ئەندامێ كۆمیتەیا ناڤەندی یا پارتیا دیموكراتا كوردستان سوریا ئەشكەرەكر كو ڤەگەرا لەشكەرێ رۆژ بۆ رۆژئاڤایێ كوردستانێ وێ ل سەر دو قۆناغان بە , قۆناغا یەكێ وێ هەتا كووبانێ بەلاڤ ببن , وقۆناغا دوێ وێ هەتا دەریا سپی ئانگۆ بحر المتوست بەلاڤ ببن.
هەروەها ئەندامێ كۆمیتەیا ناڤەندی یا پارتیا دیموكراتا كوردستان سوریا گۆت كو هەردو قوناغێن دەرباسبوونا لەشكەرێ رۆژ بۆ رۆژئاڤایێ كوردستانێ وێ د چەند هەڤێن بێدە دەستپێ بكن , ود سالا ( 2023 ) ێ دە ب داوی وەرە .
دەربارێ ڤەگەرا خوە بۆ باژارێ عەفرینا رۆژئاڤایێ كوردستانێ عبدالرحمن ئاپۆ گۆت كو هینا هندەك رێكار وئامادەكاری ژ بۆ ڤەگەرا وی ژ بۆ عەفرینێ مانە , ودەما رەوش گونجاو ببە , ئەوێ ڤەگەرە باژارێ عەفرینا رۆژئاڤایێ كوردستانێ .
بەریا دەمەكێ ئەمریكا پێشنیارا ئاڤاكرنا ناڤچەیا ئارام ل سووریێ كر , وئالیێن ناڤدەولەتی بەردەوام شەر ژ بۆ هەبوونا هەژموونێ ل وێ ناڤچەیێ دكن , وشرۆڤەكارێن كورد دبێژن پێویستە لەشكەرێ رۆژ وێ ناڤچەیا ئارام بپارێزن , ژ بەر كو ئارام ب بێ لەشكەرێ رۆژ بەرقەرار نابە .
ز.ح
1007
