تۆپبارانا هێزێن رێژیمێ ل سەر ئدلبێ هن باژارۆك و گوند كاڤل و بێ خەلك هشتنە

ئەنجوومانا خوەجهی یا باژارۆكێ جرجناز و باژارۆكێ ئەل تەمانا یێن باشووریێ ئدلبێ ، راگهاند كو هەردو باژارۆك ژ تۆپبارانا بەردەوام یا هێزێن رێژیما ئەسەد و رووسیا وێران وكاڤلن.

ئەنجوومانا خوەجهی یا باژارۆكێ جرجناز د داخویانیەكێ دە گۆت:" د چارچۆڤەیا ئێریشا هۆڤانە وتوند یا د رییا مووشەكێن هێزێن رێژیما ئەسەد و رووسییا ل دژی سڤیلان و جهێن گشتی تی كرن، ئەم باژارۆك وەك دەڤەرەكە بۆبەلاتێ و بێ خەلك رادگهینن".

ئەنجوومانا خوەجهی یا باژارۆكێ " ئەل-تەمانا" ، د داخویانییەكە خوە دە ئاماژە كر كو باژارۆك راستی ئێریشێن بەردەوام تێ، ژ ئالیێ رێبەندێن رێژیمێ یێن دەردۆرێ، ل ژێر سیوانا رووسییا ، هەروها ئەنجوومانا خوەجهی یا باژارۆكێ " ئەل – ته" رۆژا دووشەمما بووری راگهاندن كو باژارۆكێ وان ژی كاڤلە، ژ ئەنجاما تۆپبارانا توند و "پلانكری" ژ ئالیێ هێزێن رێژیمێ ڤە.

هن چالاكڤانێن خوەجهی دان زانین كو، ژ ئەنجاما تۆپبارانا رێژیما ئەسەد ل سەر باژارۆكێ"جرجناز" ل باشوورێ ئدلبێ، زارۆك هاتە كوشتن و سێ سڤیل برینداربوون، و بریندار ژ بۆ خالێن پزیشكی ژبۆ دەرمانكرنێ هاتن ڤەگوهەستن، ژبەر تۆپبارانا مالێن وەلاتیێن سڤیل ل وی باژارۆكی.

هەردو ئەنجوومانان داخواز ژ رێخستنێن جڤاكا سڤیل كرن، دا ئالیكاریێن بلەز ژبۆ خەلكێ هەردو باژارۆكێن كاڤلكری پێشكێش بكن، و داخواز ژ رێخستنێن جڤاكا سڤیل كرن كو ب بەرپرسیاریتیا خوە دەربارێ ئاوارەییان ژی رابن.

تێ زانین، تەڤی كو گوندەوارێ ئدلبێ د ناڤا رێكەفتنا ئدلبێ دەیە، و یەك ژ دەڤەرێن ئاگربەستێ یە، لێ بەردەوام راستی تۆپبارانێ ژ ئالیێ رێژیمێ و رووسییا تێ، و د ئەنجامێ دە ب دەهان شەهید وبریندار ژ سڤیلان كەتنە.

ژ ئالیێ خوە ڤە، هەڤپەیمانیا نشتیمانیا هێزێن شۆرەشی و ئۆپۆزسیۆنا سووریێ ئارمانجكرنا تۆپخانەیا هێزێن رێژیمێ ژ دەڤەرێن كو سڤیل لێ دژین رە شەرمەزاركر، و داخواز ژ جڤاكا ناڤدەولەتی كر كو سینۆرەكی ژ ڤێ یەكێ رە دەینە، و بەرپرسێن دبەر بنپێكرنێن بەردەوام دە دەرهەقێ وەلاتی و زارۆكێن وان سزا بكە، و ڤان بنپێكرنان وەك تاوانێن جەنگی بدن ناسین.

ر.ع

464