ڤوتيل: ڤهكشاندنا هێزێن مه ژ سووريێ د حهفتيێن بێ ده وێ وهره جيبهجيكرن
بهرپرسهكی ئهمریكى راگهاند كو ئهگهر ههیه د چهند حهفتیێن بێ ده ئهمهریكا دهست ب ڤهكشاندنا هێزێن خوه یێن لهشكهری ژ سووریێ بكه ل گوری بریارا سهروكێ ئهمهریكا دونالد ترامپ .
جنرال جوزیف فوتیل فهرماندهیێ لهشكهریا ناڤهندی ئهمهریكی ژ راگهاندنێ ره دیاركر كو دهربارێ ڤهكشاندنێ ئهو د ریا راست ده نه ودا دیاركرن كو ڤهگوههستنا لهشكهران ئاسانتره ژ ڤهگوههستنا چهك وتهقهمهنیان لهوما ئهم نهها چهك وتهقهمهنیێن كو پیویستیا پێ نهما یه ڤهدوگهێزن .
ل گوری بهرپرسێن ئهمریكی كو پلانا ڤهكشاندنا هێزێن ئهمریكى ژ سووریێ ئهگهر ههیه ههتا ئادار یان نیسانا بێ بهردهوام بكه لێ ئهو دبینن كو ئهڤ یهك باشتره ژ بو شهرێ تهرورێ وداعشێ .
لێ هندهك چاڤدێرێن لهشكهری دبینن كو ئهگهر ههیه ئهو لهشكهرێن ئهمهریكی یێن كو ل سووریێ دمینن بهرڤ عیراقێ وهرن ڤهگوههستن كو ئهمهریكا بێهتری پێنج ههزار لهشكهرێن وێ ل عیراقێ ههنه ژ بو شهرێ تهرورێ ورێگریێ ل دورباره ڤهگهرا داعشێ بتایبهت كو فوتیل راگهاند كو لهشكهرێن وان وێ ل عیراقێ بمینن .
د ههیڤا داوی ده یا سالا 2018ان ده سهروكێ ئهمهریكا بریارا ڤهكشاندنا هێزێن ئهمریكی ژ سووریێ راگهاند لێ پشتره بهرپرسێن ئهمریكی بهرێ خوه دان پلانهكێ ژ بو پاشخستنا ڤهكشاندنا هێزێن خوه ژ سووریێ یان بدهست خستنا دهمهك درێژ ژ ڤهكشاندنا هێزێن خوه بتایبهت كو شهرێ داعش ل سووریێ هین بداوی نههاتیه ههروهها گهلهك شانهیێن رازاریی ل باژار وباژاروكێن سووریێ ههنه .
361
