جڤينهك ئهولههى دناڤبهر بهرپرسێن رێژيما سووريێ وتوركيێ هات لدارخستن
هندهك ژێدهرێن خوجههی ژ كوردستانا سووریێ راگهاندن كو بهرپرسێن پله بلند ژ رێژیما سووریێ سهرهدانا توركیێ كرنه ول گهل بهرپرسێن توركی جڤیان ژ بو گفتوگو كرنا چارهنڤیسا چهكدارێن پهكهكێ وپهیهدێ ل كوردستانا سووریێ ههروهها هندهك مژارێن دن یێن تایبهت ب سووریێ و روژهلاتێ چهمێ فهراتێ .
مالپهرا باس نیوز ل سهر زارێ ژێدهرهكی خوه بهلاڤ كریه كو سهروكێ ئوفیسا ئهولههیا نشتمانى سوری لوا عهلی مملوك ل هاڤین گهها ئهنتالیا ل گهل بهرپرسێن توركى پلهبلند جڤیا كو د وێ جڤينێ ده بهحسا چارهنڤیسا چهكدارێن پهكهكێ وروژهلاتێ چهمێ فهراتێ كرن .
ل گوری باس نیوز كو د ههمان جڤینێ ده ههردو ئالیان لههڤ كرن ل سهر دورخستنا چهكدارێن پهكهكێ بهرڤ دهڤهرێن عهرهبى وسینورێ عراقێ ههڤدهمی قهبولكرنا توركیێ ب مانا رێژیما سووریێ ل سهر دهستهلاتێ ههروهها رێ پێدان ژ توركیێ ره داكو خالێن چاڤدێریێ دانه ههروهها بهشداریێ د پێكئانینا ئهنجومهنێن رێڤهبهریێ ل باكورێ سووریێ بهرامبهری مانا چارگوشهیا ئهولههی وبلندكرنا ئالا رێژیما سووریێ ل وێ هڤهرێ .
ل گوری زانیاریان كو د دهستپێكێ ده توركیا داخواز كرن كو دهڤهرا ئارام دبن دهستێ وان ده به لێ بهرامبهری فشارێن روسی ئهڤ یهك هاته رهد كرن لێ ههردو ئالیان ل سهر دورخستنا چهكدارێن پهكهكێ ب دوربونا 60 كیلو مترى ژ سینورێ توركیێ لههڤ كرن .
ئهڤ جڤین تێن وهكو تهكهزیهكێ ل سهر ئاخافتنا سهروكێ توركیێ رهجهب تهیب ئهردوگان كو راگهاندبو كو پهیوهندیێن توركیێ ب رێژیما سووریێ ره ههیه لێ ل سهر ئاستهك نزم ههروهها وهزیرێ دهرڤه یێ توركیێ مولود چاووش اوغلو راگهاندبو كو پهیوهندیێن وان یێ نه راسته راست ب رێژیما سووریێ ره ههنه .
420
