شاندەكە توركی وسوری ل مۆسكۆیێ رێكەفتنا ئەدەنە گۆتووبێژ دكن
ل گۆر ژێدرنە حكومەتا توركیێئەشكەرە كرن كو شاندەكە توركێ بەرپرسێن ئەولەهی نها ل پایتەختا رۆسێ (مۆسكۆیێ) دگەل شاندەكە رێژیما ئەسەد دەربارێ ناڤچەیا ئارام و بجهكرنا رێكەفتنا ئەدەنە گۆتووبێژان دكە وئەڤ جارا یەكێ یە ژ دەستثیكا برینا پەیوەندیێن دبلۆماسی دناڤبەرا هەردوو ولاتان ژ بهارا سالا 2011 ڤە.
ژێدەران دیار كر كو ئەو دانووستاندن ب سپۆنسەریا رۆسیا تێ كرن و باسا ئەكتیڤكرنا (ریكەفتنا ئەدەنە) و ئاڤاكرنا ناڤچەیەك ئارام ژ ئالیێ توركێ ڤە، ل سەر درێژاهییا سنۆریێ رۆژهلاتێ چەمێ فراتێ وباكووریێ سووریێ ب (30) كیلۆ متر تێ كرن، پشتی ڤەكشانا هیزێن ئەمەریكی ژ سووریێ . هەر ل گۆر ژێدەران، ئەو جڤین ب ڤەخوەندنەكە فەرمی ژ رۆسێ ب رێڤە دچە، وتوركیێ رازی بوو ژبەر وەرگرتنا چرا كەسك ژ رۆسێ ژبۆ ئەنجامدان هەر پۆپەراسیۆنەكە لەشكەری د پێشەرۆژێ دە.
سەرۆكێ توركێ، رەجب تەیب ئەردۆغان، د هەڤپەیڤنەكە تەلەڤزیۆنی دە دوه ئێڤاری گۆتبوو، پەیوەندی دناڤبەرا توركێ وریژیما ئەسەد دە هەیە، لێسەر ئاستا ئستخباراتان، وتەكەز كر كو توركێ كار دكە ژبۆ ئاڤاكرنا ناڤچەیا ئارام ژ كۆبانێ هەتا قامشلۆ ب بەرفرەییا 30 كیلۆ متر دناڤا سووریێ دە.
لێ بەردەڤكێ سەرۆكاتیا توركێ، ابراهیم قالن، دوه رۆژا دووشەمێ، گۆت:" تێكلییا ئستخباراتێن مە ب ئستخباراتێن رێژیما ئەسەد رە نایێ وێ واتەیێ كو ئەم دان ب رەواتییا دەستهلاتدارییا رێژیما ئەسەد ددن، وئاماژە كر كو توركێ ب رۆسێ رە گەهشتییە رێكەفتنێ كو نەخشە ریێا ناڤچەیا منبجا سووریێ، ل گۆر رێكەفتنا ئمزەكری دناڤبەرا ئەنقەرا وواشنتۆن دە، وهەروەها دا زانین كو گەلەكی گرنگە كو لەزبوون بجهكرنا نەخشەیا ریێ باژارێ منبجێ وەرە كرن و ژبۆ پەیوەندیێن مە ووشانتۆن و ئەولەهیا ناڤچەیێ و چارسەرییا سووریێ .
ژ ئالیێ خوە ڤە، شرۆڤەكار وپسبۆر د كاروبارێ توركێ دە، بكیر اتجان، دا زانین كو توركێ دخوازە رەواتیێ ژبۆ لڤ وتەڤگەرا خوە ل سەر سنۆرێ سووریێ پەیدا بكە ونەخاسم رێژیما ئەسەد ئیدی نكارە پاراستنا سنۆرێ خوە بكە و ئەڤ یەك د وێ دەمی دە تێ كو رۆسێ فشارێ ل سەر ئەسەد دكە دا كو رازی ببە بهەبوونا توركێ ، لێ دەربارێ ئەگەرا دووبارە دانپێدانا توركێ ب رەواتییا رێژیما ئەسەد ، أتجان گۆت ، ل گۆر گۆتارا ئەردۆغان یا دوه، ئەڤ هەڤدیتنێن ب رێژیما ئەسەد رە نە فەرمی نە و د چارچۆڤەیا هەماهنگییا ئەولەهی دە تێ ، وهەلوێستا توركێ ژ ئەسەد دیارە و ناێ گوهەرتن.
ر.ع
600
