ل عەفرینێ شەر وپەڤچوون ناڤبەرا 2 گرووپێن چەكدار دە دروست بوو

آرك نيوز ... رۆژانە شەر وپەڤچوون ناڤبەرا گرووپێن چەكدار دە یێن كو ل عەفرینێ دمینن دروست دبە , وئەو شەر وپەڤچوونێن وان ژ بۆ دابەشكرنا ناڤچەیانە داكو دزیێ وبنپێكرنان تێدە ئەنجام بدن , وهەری داویژی شەر وپەڤچوونێن گران ناڤبەرا دو گرووپێن چەكدار یێن كو ل عەفرینا رۆژئاڤایێ كوردستانێ دمینن ,ل گوندەوارێ عەفرینێ دروست بوون و د ئەنجامێ دە كوشتی و بریندار كەتن.

ژێدەرەێن تایبەت ژ ناڤا عەفرینا رۆژئاڤایێ كوردستانێ تایبەت ژ ئاركێ رە راگەهاندن كو و شەڤا بووری شەرەكی گران ناڤبەرا گرووپا نورالدین زنكی وگرووپا احرار الشرقیە دە روودا ، و د وی شەری دە مووشەك و بۆمب هاتن بكارئانین .

هەروەها ژێدەرەێن تایبەت ژ ئاركێ رە گۆتن كو د ئەنجاما شەر وپەڤچوونان دە چەكدارەكی گرووپا احرار الشرقیە هاتە كوشتن , و ( 8 ) چەكدارێن دن ژ هەردو ئالیان برینداربوون .

ژێدەران دازانین كو شەر وپەڤچوونان نێزیكی ( 4 ) دەمژمێران بەردەوام كر , وتەڤایا تاخێن باژارێ عەفرینا رۆژئاڤایێ كوردستانێ گرت , لەوما دوكان هاتنە گرتن , و خەلكێ سڤیل بازار چۆلكرن, وكەتنە مالێن خوەدە.

ل گۆری ژێدەران سەدەما دروستبوونا شەر ناڤبەرا گرووپا نورالدین زنكی , واحرار الشرقیە دە ئەو بوو كو ناكۆكی ل سەر دەستەسەركرنا مال وملكێن خەلكێ باژارێ عەفرینێ یێن كو ژ عەفرینێ دەربدەربوونە دروست بوو .

ژ دەما كو ئەو گرووپێن چەكدار كەتنە ناڤا خاكا عەفرینا رۆژئاڤایێ كوردستانێ ورۆژانە ل دزی وتالانكرنێ شەر وپەڤچوونا ناڤبەرا وان گرووپان دە دروست دبە , وهندەك جار د ئەنجاما شەر وپەڤچوونێن وان گرووپان دە خەلكێ سڤیل ژی دبنە قوربانی .
ز.ح

530