پروژهيا بهلاڤكرنا هێزێن پێشمهرگه ل كوردستانا سووريێ بهرڤ بداوى بونێ ڤه تێ
روژنامهیاكه بناڤ وبانگ بهلاڤ كریه كو سهروكێ تیار الغد یا سوری بهردهوامه د ههولێن خوهده ژ بو بهلاڤكرنا 10 ههزار لهشكهرێن كورد وعهرهب ل دهڤهرا ئارام یا كو وێ ل كوردستانا سووریێ وهره ئاڤاكرن كو ل گوری روژنامهیا ناڤبوری ئهڤ پروژه بهرڤ داوى بونه ڤه تێ .
روژنامهیا الشهرق الئهوسهت د راپورتهكه خوه ده راگهاند كو پشتى پهیوهندیێن سهروكێ تهیار الغد ئهحمهد الجهربا ل گهل سهروك مسعود بارزانى وبهرپرسێن ئهمریكى وتوركی نهها ههول تێ كرن ژ بو بهلاڤكرنا 10 ههزار لهشكهرێن كورد وعهرهب ژ هێزێن بێشمهرگهیێن روژ ولهشكهرێن ب سهر تهیار الغد ڤه ل سهر سینورێ كوردستانا سووریێ .
ل گورى پلانا كو هاتیه دانین وێ هێزا ناڤبورى سینورێ توركیێ ب كورستانا سووریێ ره ژ دهرگههێ سێمالكا ههتا جهرابلسێ ل خوه بگره بدرێژاهیا 500 مترى وكوربونا 28 ههتا 32 كیلومترى .
روژنامهیا ناڤبورى بهلاڤ كریه كو پلانا ئهحمهد الجهربا دخوازه دناڤبهرا 8 ههتا 12 ههزار لهشكهرێن النخبه وپێشمهرگهیێن روژئاڤا ناڤبهرا ههردو چهمێن فهرات ودجله ده وهرن بهلاڤ كرن كو ل گوری پلانێ وێ لهشكهرێن النخبه ل دهڤهرێن پرانیا وان عهرهب مینا گرێ سپى و رهقا وئهگهر ههیه ل سهرێ كانیێ ژی وهرن بهلاڤ كرن و هێزێن پێشمهرگهیێن روژئاڤا وێ ل دهڤهرێن دن دناڤبهرا ههردو چهمان ده وهرن بهلاڤ كرن .
ههر لگورى زانیاریان كو كوربونا ڤێ دهڤهرا ئارام یا كو وێ وره ئاڤاكرن وێ جودابه ژ باژارهكی ههتا باژارهكی دن بتایبهت ل باژارێ قامشلو ژ بهر ههبونا چاگوشهیا ئهولههی یا ب سهر رێژیما سووریێ ڤه .
ئهڤ یهك تێ پشتى دو روژان ژ جڤینا دهستهیا دانوستاندكار یا ئوپوزسیونا سووریێ ل گهل سهروك مسعود بارزانى ههروهها سهرهدانا وهزیرێ دهرڤه یێ ئهمهریكا پومپیو ژ ههرێما كوردستانێ وجڤینا وى ل گهل سهروك بارزانى كو تێ پشبینى كرن كو د وان جڤینان ده بهحسا پێشهروژا روژهلاتێ چهمێ فهراتێ وئهگهرا دهرباسبونا هێزێن پێشمهرگهیێن روژئاڤا ژ بو كوردستانا سووریێ .
916
