فؤاد علیكو بەحسا ناڤچەیا "ئارام" دكە

ناڤچەیا ئارام هێژی مژارا هەری گەرمە دناڤبەرا دەولەتێن زلهێز و هەرێمێ و چارەنڤیسا رۆژهلاتێ چەمێ فراتێ یە .

سەركردەیەكی كوردێ سووریێ، دا زانین كو هێژی دانووستاندن وراوێژكاری دناڤبەرا دەولەتین زلهێز و دەولەتێن هەرێمی دەربارێ ئاڤاكرنا ناڤچەیا ئارام دە ل كوردستانا سووریێ بەردەوامە و هێژی شێوەیێ رێڤەبرنا وێ یا ئەولەهی و لەشكەری زەلال نەبوویە .

ئەندامێ كۆمیتا سیاسی یا پارتیا یەكیتییا كوردستانی – سوریا، فؤاد علیكو گۆت:" حەتا نها چ رێكەفتن دناڤبەرا دەولەتێن پەیوەندیدار وئاگتیڤ د قادا سووریێ دە ، دەربارێ ڤێ ناڤچەیێ دە زەلال نەبوویە، تەنێ ناڤنیشانەك پەحن ب ناڤێ ناڤچەیا ئارام ل رۆژهلاتێ فەراتێ و ودانووستاندن وراوێژكاری دناڤبەرا توركێ و ئەمەریكا ژ ئالیێەكێ و توركیێ و رۆسیا ژ ئالیێەكی دن ڤە بەردەوامە ".

علیكۆ ئەشكەرە كر كو ئاڤاكرنا ڤێ ناڤچەیێ د پلەیا یەكێ د بەرژەوندیا توركێ دە تێ وژبۆ رازیكرنا وێ یە و نەهشتنا رووبەرووبوونەكێ لەشكەری دناڤبەرا توركێ وپەیەدێ دە.

وئەڤ یەكێ تێ وێ واتەیێ، كو پەیەدێ دڤێ بهیزا خوە یا سیاسی ولەشكەری ژ دەڤەرێ ڤەكشە و هێزەكە خوەجهی ل جهێ وان پاراستنێ ورێڤەبەریێ بكە و ژ هەمی پێكهاتەێن هەرێمێ بە.

علیكۆ دا زانین كو هێژی تێكلی و دانووستاندنێن ناڤدەولەتی بەردەوامن و هێژی ل هەڤ نە كرنە ورەنگێ وێ رێڤەبەرێ نە هاتییە زەلال كرن .

راپۆرتێن رۆژنەمەڤانی ، دوه رۆژا یەكشەممێ، رێكەفتنەكە دناڤبەرا ئەمەریكا و توركێ دە ئەشكەرە دكە و هنەك خالێن وێ دیار كرن وناڤێ ناڤچەیێ ژی ئەشكەرە كرن كو ب ناڤێ ناڤچەیا ئەولە ل جهێ ناڤچەیا ئارامە كو بریارە ل رۆژهلاتێ چەمێ فراتێ وەرە ئاڤاكرن پشتی ڤەكشانا هێزێن ئەمەریكی ، دگەل ڤێ رێەكەتنێ، وێ ئەمەریكا بمینە بنگەها تەنەف دە ژبۆ چاڤدێریا ئیرانێ بكە.

رۆژنامەیا "الشرق الاوسط" خالێن وێ رێكەفتنێ ئەشكەرە كربوو ، كو ناڤێ وێ دەڤەرێ ناڤچەیا ئەولە ژبۆ پاراستنا ئەولەهیا توركێ وناڤێ وێ نە ناڤچەیا دژی فرین وئارامە، وبەرفرەبوونا وێ 20 میلە(ئانگو 30 تا 32) كیلۆ مترە، ودڤێ بنگەهێ لەشكەری ئەمەریكی تێدە نەبە و چەكێ گران ژ پەیەدێ وەرە ستاندن، وئەنقەرا دخوازە چەكدارێن پەیەدێ ژێ دەرخە و لجهێ وان پێشمەرگەیێ رۆژ كو كوردێ سووریێ نە و دگەل عەرەبێن دبن دەستهلاتا تیار الغد یا احمد الجربا دە بجه بكە.

ر.ع

569