چیرۆكا كۆمكوژییا حەمایێ

ئیرۆ 41 سالڤەگەرا كۆمكوژیا باژارێ حەمایێ ل سەر دەستێ رێژیما ئەسەدێ باڤ(حافز ئەسەد) كو رۆژا (2.2.1982)، هلمەتەكە لەشكەری بەرفره ل دژی مللەتێ حەمایێ و رێخستنا ئخوان مسلمین ئەنجام دا و بدەهێ هەزاران خەلكێ باژارێ حەمایێ كوشتن وبەدی هەزاران كۆچبەر وپەنابەر و بێ سەرۆشوێن بوون.

رێژیما ئەسەد باژارێ حەمایێ دوورپێچكروب تۆپ وتانكان ل وی باژاری دا و ئۆپەراسیۆنا رێژیمێ بەسەركردایەتیا برایێ حافز ئەسەد (العقید رفعت ئەسەد) بوو و وێ ئۆپەراسیۆنێ (27) رۆژان بەردەوام كر .

هەتا وەكە ئیرۆ ئەو كۆمكوژی و هلمەت بدژوارترین هلمەت تێ هژمارتن ، دڤێ ئۆپەراسیۆنێ دە، رێژیما ئەسەد ئارتێشا سووریێ و هێزنە تایبەت مەشق وراهێنانكری ل سەر شەرێن باژار ودناڤا كۆلانان دە بكارئانی، و دخوەست ئۆپۆزسیۆنێ بنبر بكە و كۆكێ دە نەهێلە.

ل گۆر راپۆرتێن رۆژنامەڤانی و دیكۆمێنتاری، ئەسەد هەمی دەستهلات و فەرمان دایبوو لەشكەرێ خوە وبرایێ خوە كو ڤێ كۆمكوژیێ ئەنجام بدە و تشتەك ب ناڤێ ئۆپۆزسیۆن ل باژارێ حەمایێ نەهێلە، ودوور ژ چاڤێ راگهاندنێ ورۆژنەمەگەریێ، داكو خوەپێشاندان روونەدن و دەولەتێن دەرڤە شەرمەزار نەكن.

ژ ئالیێن خوە ڤە، رێخستنێن مافێن مرۆڤان، داخوازا لێكۆلینەكە ناڤدەولەتی سەربخوە كر دا كو بەرپرسیارێن ڤێ كۆكوژیێ بدن، یاكو تێ ناسكرن مەترسدارترین كۆكوژی د دیرۆكا سووریا نوو دە .

ئەڤ رووداو پشتی ململانیەكە تووند دناڤبەرا پارتیا بەعس ب سەركردایەتیا سەرۆكێ سووریێ حافز ئەسەد و رێخستنا ئخوان مسلمین یاكو وێ دەمێ بهێزترین ئۆپۆزسیۆن د هندر دە هات ناسكرن.

د وێ دەمێ رێژیمێ ئخوان مسلمین ب چەكداركرنا هنەك ئەندامێن وێ تۆمەتباركر وئامادەكرنا وان ژبۆ تەرۆركرن و رابوونا ب كارنە خراپ ل سووریێ و هەروها تۆمەتا كوشتنا گرۆپەك ژ خوەندەكارێن دبستانا المدفعیە د سالا (1979) ل باژارێ حەلبێ ل سووریێ، تۆمەتباركر.

لێ ئخوان مسلمین ئەڤ تۆمەت رەد كر وخوە ژ بوویەرا دبستانێ بێری كر ، و د رۆژا (20حزێرانا سالا 1980) دە ، هەولا تەرۆركرنا حافز ئەسەد هات كرن لێ وی هەولێ سەری نەگرت ، لەوما حافز ئەسەد رێخستنا ئخوان مسلمین ل سووریێ قەدەغەكر ودەست كر بە توونەكرنا ئەندامێن وێ و بریارا (49 ) د هەمان سالێ دە دەرخست ، ول گۆر بریارێ هەركەسەكی ئەندامێ وێ ریخستنێ بە دێ وەرە ب دارڤەكرن.

كۆكوژیا حەمایێ 27 رۆژان بەردەوام كر و رێژیما سووریێ هەمێ هێزێن (سرايا الدفاع).

واللواء 47/ تانك(دبابات).

واللواء 21/ميكانيك.

والفوج 21/إنزال جوّي (قوات خاصّة) هێزا تایبەت یا ئەسمانی.وهەروسا گرۆپەك ژ سیۆخران و چەكداران یێن تایبەت ب شەرێ كولانان ژی ئامادە كر .

پشتی وی كۆكوژیێ، رێژیما ئەسەد سیاسەتا خوە لهمبەر باژارێ حەمایێ گوهەری وئیدی درییا لەشكەران وئارتێشا سووریێ رە هەمی كارێن سیاسی ل وی باژاری توونەكر ومللەتی حەمایێ یێن سڤیل ئارمانجا هەری سەرەكە یا رێژیما ئەسەد د وێ دەمی دە بوو ، ئیدی كارێن سیاسی و خەباتا سیاسی ل سووریێ بنهینی و ب ترس بوو و هەتا سەرهلدانا كوردستانا سووریێ یا سالا 2004 رابوو و مللەتێ كورد ل تەڤاهییا باژاروباژارۆكێ سووریێ ل دژی ستەمكاریا رێژیما ئەسەد سەرهلدان كرن و ب سەدان خورت وكەچێن كوردان بوون هاتن وكوشتن و تەرۆركرن و توونەكرن و بێ سەرۆشوێن چوون. پشترە شۆرەشا سووریێ ل 15 ئادارا سالا 2011 دەستپێكر ل دژی بەشار ئەسد و رێژیما وی و هەتا نها ژی بەردەوامە.

ل گۆری رێخستنێن مافێن مرۆڤان دناڤبەرا (30 – 40) هەزار پرانیا وان سڤیل بوون ل حەمایێ ب ئاوایەكی كۆمكوژی هاتن كوشتن و دگۆرێن بكۆم دە هاتن ڤەشارتن.

زێدەی (15) هەزار كەس بێ سەرۆوشوین بوون و زێدەتری (100) هەزار كەس كۆچبەر بوون و سێ باری تاخێن حەمایێ وێران بوون.

نیزیكایی (88) مزگەفت و سێ كەنیسە و چەند ناڤچەیێن شوینەواری و دیرۆكی د ئەنجاما تۆپبارانێ دە وێران بوون.

ر.ع

612