الهام أحمد : رێژیما ئه‌سه‌د ژبۆ مه ژ توركیێ باشتره
هه‌ڤسه‌رۆكا هه‌ڤبه‌ش یا ئه‌نجومه‌نا سوریا ده‌مۆقرات مه‌سه‌دێ كو به‌شێ سیاسی یا قه‌سه‌دێ ده راگهاند كو رێژیما ئه‌سه‌د ژ وان ره ژ توركیێ باشتره و هه‌رێما ئارام تو جاری ژ كوردان ره نابه ئارام.
الهام احمد هه‌ڤسه‌رۆكا مه‌سه‌دێ د هه‌ڤدیتنه‌كێ ده ب ئاژانسا بلو مبیرغ ل واشتن كو دوه 26/1/2019 ئه‌و هه‌ڤدیتن هاتبوو به‌لاڤكرن تێده راگهاندیه كو چوونا قه‌سه‌دێ ژبۆ رێژیمێ ژ قه‌سه‌دێ ره نه جهێ رحاتیێ یه لێ به‌لێ ئه‌گه‌ر ناڤبه‌را گهشتنا ب رێكه‌فته‌نكێ ب رێژیما ئه‌سه‌د ل ئالییه‌كێ وئیرشكرنا توركیێ ژ بۆ هه‌رێمێن وان ده وهره هه‌لبژاتن ئه‌و به‌رێ خوه بده رێژیما ئه‌سه‌د.
ده‌ربارێ هه‌رێما ئارام یا كو تێ به‌حسكرن كو دێ ل سه‌ر سینۆر رۆژئاڤایێ كوردستانێ وهره چێكرن أحمد دا زانین كو هه‌رێما ئارام تو جاری ژ كوردان ره نابه ئارام لێ دێ ببه گۆلا ته‌رۆران وجهه‌ك ژ وان ره .
الهام احمد هه‌روه‌ها ژ ئاژانسا ناڤبووری ره گۆت كو وان نه‌خشه‌رێیه‌ك ژ 11 خالان ژ رێژیما ئه‌سه‌د ب پشته‌ڤانییا رووسیا پێشكێش كرنه كو ئه‌و نه‌خشه‌رێ ژبۆ دووبارا ته‌ڤلیكرنا هه‌رێما جزیرا رۆژئاڤایێ كوردستانێ دبن سیا رێژیما ئه‌سه‌د ده به و بال كشان سه‌ر وێ یه‌كێ ژی كو دڤێ سووریا نوو نه ناڤه‌ندی به وئه‌و یه‌كرێزییا خاكا سووریێ دخوازه و په‌رچه‌بوون و جوودابوونێ نه‌خوازه .
هه‌ڤسه‌رۆكا مه‌سه‌دێ الهام أحمد ئامه‌ژه كر كو قه‌سه‌دێ نها ل واشتن نه داكو نه‌رینێن خوه شه‌رۆڤه بكه و لگۆر كو هاتیه تێگهشتن ئه‌مریكا تو ده‌م ژ بۆ ڤه‌كشانا هێزێن خوه ژ سووریێ هین نه‌دانیه .
به‌ریا ده‌مه‌كه كورت فه‌رمانده‌یێ گشتی یێ چه‌كدارێن په‌یه‌گێ سیبان حمۆ راگهاندبوو كو گفتوگو ده‌ربارێ پێشه‌رۆژا رۆژئاڤایێ كوردستانێ و هه‌رێمێن دبن كونترۆلا وان ده ب رێژیما ئه‌سه‌د ره دێ د چارچۆڤه‌یا چه‌ند رۆژان ده ده‌سپێبكه ب تایبه‌ت پشتی به‌رسڤا ئه‌رێنی ژ ئالیێ رێژیما ئه‌سه‌د ڤه هاتبوو راگهاندن .
پشتی راگهاندنا ئه‌مه‌ركا ژ ڤه‌گشانا هێزێن خوه ژ سووریێ په‌یه‌دێ دانوستاندنێن خوه ب رێژیمێ ره ب هێز كرن نه‌خاسم پشتی راگهاند ورژدبوونا توركیێ ژ پێكئانینا ئۆپه‌راسیۆنه‌كێ ل سه‌ر هه‌رێمین كوردی ل رۆژئاڤایێ كوردستانێ .
ش.ع
405
