رێژیما ئەسەد هەلوێستا خوە دەربارێ رێكەفتنا "ئەدەنە" دە راگهاند

رێژیما ئەسەد تەكەزێ ل سەر پابەندبوونا وێ ب رێكەفتنا ئەدەنە دكە ب مەرجێ كو سنۆرێ دناڤبەرا سووریێ وتوركێ دە ڤەگەرە وەكی بەرێ .

ئیرۆ(26.1.2019)، بەرپرسەكی د وەزارەتا دەرڤە یا رێژیما ئەسەد دە ، گۆت:" حكومەتا رێژیما ئەسەد هێژی پابەندە ب رێكەفتنا ئەدەنە كو دگەل توركێ ئمزا كربوو ژبۆ نەهشتنا تەرۆرێ ب هەمی شێوەیێن وی ژ ئالیێ هەردو ولاتان ڤە ، پشتی كو سەرۆكێ توركێ راگهاندبوو دڤێ رێكەفتنا ئەدەنە وەرە ڤەژاندن.

رێژیما ئەسەد ئالێ توركێ تۆمەتبار كر كو رێكەفتنا ئەدەنە بنپێكری بوو و گۆتبوو هەر ڤەژاندنەك ژ وێ رێكەفتنێ رە دڤێ رەوشێ ل سەر سنۆرێ هەردو ولاتان ڤەگەرینە وەكی بەرێ ودڤێ هێزێن توركێ ژ سووریێ ڤەكشن.

رۆژا پێنج شەممێ (24.1.2019)، سەرۆكێ توركێ ، رجب تەیب ئەردۆغان ، راگهاندنبوو كو دڤێ رێكەفتنا ئەدەنە كو ناڤبەرا توركێ وسووریێ دە دسالا (1998) هاتبوو ئمزاكرن ، جارەكی دن وەرە ئەكتیڤ كرن و ڤەژاندن.

سەرۆكێ توركێ ، د گۆتارا خوە دە ، ئەشكەرە كربوو كو چ مەرامێن توركیێ یێن داگیركەرێ د سووریێ دە نینە و تەنێ هێزێن توركێ ب ئارمانجێن مرۆڤی د سووریێ دە نە وئارامانجا وێ بدەستڤەئانینا ئەولەهێ ژبۆ خەلكێ سووریێ یە.

ژ ئالێ خوە ڤە ژی، وەزێرێ دەرڤە یێ رۆسێ، سیرغێ لاڤرۆڤ، دوه رۆژا ئینێ (25.1.2019)، راگهاندن كو رۆسێ دبینە رێكەفتنا ئەدەنە یا كو سالا 1998 د دناڤبەرا ئەنقەرا و شامێ دە هاتبوو ئمزا كرن هێژی بەردەوامە و ئاگتیڤە و ژخوە كۆكا وێ رێكەفتنێ ئەوەبوو كو ترسێ ومەترسێ ل سەر سنۆرێ توركێ نەهێلە.

ژ ئالیێ خوە ڤە ، سەركردەیێ چەكدارێن یەپەگێ ، سیپان حەمۆ، راگهاندبوو كو دانووستاندنێن وان ورێژیما ئەسەد وی د دەمەكە نیزیك دەستپێ بكە و هەلوێستا رێژیما سووریێ د وێ دەربارێ دە ئەرینی بوو.

ب ڤی ئاوایی ئەگەر رێژیما سووریێ رازی بە ل سەر دووبارە ڤەژاندنا رێكەفتنا ئەدەنە ب توركێ رە ، ئەو ب وێ واتەیێ تێ كو دێ رێژیما سووریێ جارەكە دن هەركەسێ كو گرێدایێ پەكەكێ و چەكدارێن وێ رادەستی توركێ بكە یان ژی ژ خاكا خوە دربخینە .

د دەمێ بی دە، دێ دیار بە كو رێژیما سووریێ وتوركێ وێ چ بكن دەربارێ چارەنڤیسا پەكەكێ وپەیەدێ و وڤەژاندنا ریكەفتنا ئەدەنە، گەلۆ جارەكە دن دێ رێژیما سووریێ ب هەرزانی پەیەدێ وپەكەكێ بفرۆشە توركێ؟؟؟

ر.ع

370