پەیەدێ جوانەكی كۆبانێ دبن ئەشكەنجێ دە كوشت

چەكدارێن پەیەدێ ل باژارێ كۆبانێ یێ كوردستانا سووریێ ، جوانێ ب ناڤێ (محمود بنیامین ابراهیم) دبن ئەشكەنەجێ دە كوشت.

ل گۆر ژێدەرەكە تایبەت نێزیك ژ مالباتێ ژ ئاركێ ئەشكەرە كر كو چەكدارێن پەیەدێ جوانێ ب ناڤێ محمود كو خوادن هەڤژینە و 3 زارۆكی وی هەنە و خەلكی باژارۆكێ گرێ سپی یە و بخوە ژی بەرێ شەرڤانەكی چەكدارێن یەپەگێ یێن سەر پەیەدێ ڤە بوو ، بەری مەهەكێ ئەو بێ سەرۆشوێن بوو و پەیەدێ ژ مالباتا وی رە گۆتبوو كو وی (35) ملیون پەرەێ سووریێ برنە ورەڤییە ، لێ دەركەت ئەو گرتییە و ل جەم وانە.

پشتی (2) رۆژان ژ ئاگاهیێن ئاسایشا پەیەدێ ژ مالباتا وی رە كو ب فەرمانا دادگەهێ وێ چەكدارێن پەیەدێ دەست دانن سەر مال و مولكێن برایێن وی و مالباتا وی ، لێ برایێن وی ب وی فەرمانا دادگەها پەیەدی رازی نەبوو وئیدی وان دەست ب پرس وپرسیاران كرن دەربارێ ووندابوونا براێ وان ، پشترە دادگەها پەیەدێ سازش ل سەر (35) ملیونان كر و ب (2) ملیونان رازی بوو لێ مالباتێ ئەو یەك ژی رەد كر ودوه سبەها رۆژا ئینێ (25.1.2019) ئایشا پەیەدێ مالباتا وێ ئاگادار كر كو وەرن خەستەخانەیێ جەنازەیێ براێن خوە ببن بی كو سەدەمێن مرنا وی دیار بكن.

ل گۆر ئاسایشا پەیەدێ دبێژە، ئاسایشێ ئەو ب كوشتی ب چەند كێران د مالا وی دە دیتنە لێ برایێن وی وێ یەكێ رەد دكن ژبەر كو مالێن وان جیرانێن یەكن و بەرامبەر هەڤن .

لێ ل گۆر وی ژێدەری ژ ئاركێ رە گۆتی، ل سەر تەرمێ وی جهێ ئەشكەنجێ دیارن و ئەو دبن ئەشكەنجی دە هاتیە كوشتن و ئاسایشا پەیەدێ ری نەدا مالباتا وی تەرمێ وی بشوون و ژ برایێن وی خوەست یەكسەر ڤەشێرن وبن گۆر بكن.

جوانێ بناڤێ محمود بنیامین ابراهیم ژ باژارۆكێ كرێ سپی یە و ژ هۆزا علی زەرێ یە.

ر.ع

553