ئارتێشا رێژيما سووريێ نكاره سيسته‌ما س 300 بكار بينه
روژنامه‌یه‌ك روسی راگهاند كو ئارتێشا رێژیما سووریێ تا نه‌ها نكاره سیسته‌ما توپێن ئس 300 یا ل دژی بالافران بكاربینه ودیاركر كو ئه‌گه‌ر هه‌یه د ئادارا بێ ده بكاره بكاربینه .
روژنامه‌یا كومیرسانت یا روسی د راپورته‌كه خوه ده دیاركر تا نه‌ها ئارتێشا رێژیما سووریێ خوه ل سه‌ر چاوانیا بكارئانینا سیسته‌ما توپێن ئس 300 راهینان دكه و ئه‌گه‌ر پلانان وان باش برێڤه چو وێ ئادار بێ ده بكارن به‌رگریێ د به‌ر شاما پایته‌خت ده بكن .
روژنامه‌یا ناڤبوری ل سه‌ر زارێ به‌رپرسێن رێژیما سووریێ ئه‌شكه‌ره كر كو رێژیما سووریێ وێ سیسته‌ما توپێن ئس 300 ل ده‌ردورا شاما پایته‌خت به‌لاڤ بكن وه‌كو پاراستنه‌كێ ژ پارێزگه‌هێ ره .
هه‌ر ده‌م وده‌مه‌كێ بالافرێن ئیسرائیلی بارگه‌هێن ئیرانی ویێن حزب الله ل شاما پایته‌خت وگونده‌وارێ وێ توپاران دكه هه‌ڤده‌می كو رێژیما سووریێ رادگهینه كو وان رێگری ل وان كریه .
هه‌روه‌ها روسیا ژی راگهاند كو سیسته‌ما به‌ره‌ڤانیا رێژیما سووریێ ل پێشیا ئیریشێن ئسرائیلی راوه‌ستیا وئه‌شكه‌ره كرن كو وان بیهتری سی توپی ژناڤ برن به‌ریا كو بگهێن ئارمانجێن خوه ته‌ڤی كو تا نه‌ها ئارتێشا رێژیما سووریێ نكاره سیسته‌ما ئس 300 یا ل دژی بالافران بكاربینه .
د داویا سالا بوری ده روسیا هژماره‌ك توپێن اس 300 یێن ل ژی بالافران راده‌ستى رێژیما سووریێ كرن ب ئارمانجا به‌رگریێ د به‌ر شاما پایته‌خت ده به‌رامبه‌ری ئیریشێن ئاسمانی لێ ئه‌ڤ یه‌ك بو جهێ نه‌رازیبونا ئسرائیل وئه‌مه‌ریكا لێ نه‌بو رێگر ل ئیریشێن ئیسرائیلی ل سه‌ر سووریێ كو ژ وێ ده‌مێ ڤه وتا نه‌ها ئیسرائیل ب ده‌هان ئیریشێن ئاسمانی ب سه‌ر سووریێ ڤه ئه‌نجام دایه .
349
