"لەشکرێ رۆژ ژبۆ پاراستنا ناڤچەىا ئارام ل سووریێ ئامادەیە"

- بەرپرسێ بەرێ یێ نوێنەرایەتیا ئەنجوومەنا نیشتمانییا کورد لە سووریا (ENKS) لە هەرێمێ، نورى بریمۆ: "لەشکرى رۆژ راهێنان كرینە و ئامادەیە ژبۆ جێگیربوونێ وپاراستنا ل ناڤچەىا ئارام ل سووریێ".

بەرپرسێ بەرێ یێ نوێنەرایەتى ئەنجوومەنى نیشتمانى کورد لە سووریا (ENKS) لە هەرێما كوردستانێ، نورى بریمۆ: "لەشکرێ رۆژ باڵێ لەشكەری یێ ئەنجوومەنا نیشتمانییا کورد ل سووریا، هێزێکى ئەزمۆنە و سەلماندییە کو دژى تیرۆرە".

نورى بریمۆ ل لێدوانێکێ ژبۆ ئاژانسا ئانادۆڵا توركێ گوتیە: "هەتا نها دروستکردنا ناڤچەىا ئارام ل سووریێ نەکەتییە د بوارێ بجیكرنێ دە، لێ هەردەما بکەڤە د بوارێ بیجكرنێ دە، لەشکرێ رۆژ ئامادەیە وەکە هێزێکێ دژی تیرۆرێ و ئارامیخواز لە تەمامییا ناڤچەیێ جهگربێت و ئاسایشىا ناڤچەیێ ل ستۆێ خوە بگرە و ببێتە سەدەما ئارامىێ".

ئەندامێ كۆمیتا ناڤەدنییا پارتیا دەمۆقراتا كوردستان – سوریا نوری بریمۆ هەروها گۆت: "لەشکرێ رۆژ ل هەریما كوردستانێ یان كوردستانا سووریێ یان ل هەر جهەكیدن بە ، سەدەمێ ئارامییە. ل سالێن بووری دە ب هەمی شیانێن خوە ل دژى داعش خەبات كرنە ، وهەڵگرێ پەیاما دۆستایەتیێ ژ بۆ وڵاتانێن جیران".

بەرپرسێ نوێنەرایەتییا ئەنجوومەنا نیشتمانییا کورد ل سووریێ (ENKS) ل هەرێما كوردستانێ دبێژە ب دەهێ گرۆپان ل سووریێ هەنە لێ ژبلی وێرانكرنێ و نەسەقامگیریێ چی دن بەرهەم نەئانینە ، لێ ڤەگەرا لەشكەرێن رۆژ وی ئارامێ ژبۆ خەلك و خاكا كوردستانا سووریێ ڤەگەرینە."

بریمۆ دازانین كو پەیەدێ وپەكەكێ دەما بووری دە ژی و نهاژی رێگرێ ل كار وچالاكێن ئەنەكەسێ و ڤەگەرا لەشكەری رۆژ دكن.

ودروستكرنا ناڤچەیا ئارام ئەگەر ل ژێر چاڤدێریا ولاتێن زلهێز دە بە دێ ل بەرژەوەندییا هەمی پێكهاتەێن ناڤچەیێ دە بە ودێ ئەو شەر ڤەمراندبا كو ل سووریێ چەندین سالانە بەردەوامە.

ل گۆر پیڤانناسان ، ناڤچەیا ئارام ل سووریێ ب درێژاهییا سنووریێ كوردستانا سووریێ وتوركێ ب 460 كیلومترە و فراهییا 32 كیلۆمترانە و ناڤچەیێن قامشلۆ و تل تەمەر ودرباسیێ و عامودی و تل حمیس و سەرێ كانیێ و ترپەسپێ و تل كۆچەر و دێركێ ل پارێزگەها حەسەكێ ل خوە دگرە و گرێ سپی و ل پارێزگەها رەقایێ و كۆبانێ ژی ل خوە دگرە.

بریمۆ دا زانین، ژخوە لەشكەرین رۆژ كەچ و كۆرێن ڤان ناڤچەیێن كوردستانا سووریێ نە سەرباری هەریما عەفرینێ وناڤچەیێن دن.

ئەندامێ پۆلیتبیروویا پارتیا دەمۆقراتا كوردستان – سووریا، مسلم محمد ، هەر دەرباری ڤێ مژارێ دە راگهاندبوو، بەری پێشنیاركرنا ناڤچەیا ئارام ، سێ سیناریۆ ژبۆ ناڤچەیێ هەبوون و سیناریۆیێ رێڤەبرنا ناڤچەیێ ژ پێكهاتەێن هەرێمێ بخوە ژ هەمییان باشترە وهەروها گۆت ئاڤاكرنا ناڤچەیا ئارام گرنگە ژ توركێ رە وتوركێ رژدە ل سەر ئاڤاكرنا وێ ژبەر ژبۆ پاراستنا وێ باشە.

مسلم محمد هەروها گۆت: د مەیدانا سیاسی ووناڤدەولەتی ژبۆ دروستكرنا ناڤچەیا ئارام ل سووریێ ، ژبلی هەبوونا ئیران ورۆسیێ گەلەك ولاتێن دن ژی هەنن لێ توركیێ و ئەمەریكا بهێزترین لیستگڤانن د ئاڤاكرنا وێ ناڤچەیێ دە ، لێ هەتا نها تەنی گۆتن دەربارێ ئاڤاكرنا وێ دە هەنە ودانووستاندن وجڤین بەردەوامن وتشتەك نەكەتییە د بۆارێ بجهكرنێ دە ب ئاوایەكی پراكتیكی.

وی ئەندامێ پۆلیتبیروویا پەدەكەسێ دەرباری پێشمەرگەیێن رۆژ دە گۆت:" خەلكێ ناڤچەیێ دلخوەشە ب پرۆژەیا ئاڤاكرنا ناڤچەیا ئارام دە لێ ئەگەر ل ژێر چاڤدێریا ناڤدەولەتی بە و رێڤەبەریەكە نوو ژێرە وەرە ئاڤاكرن ژ پێكهاتەین هەرێمێ و پێشمەرگەین رۆژ پاراستنا تەڤاهییا سنۆری وێ بكە.

ر.ع

435