زێره‌ڤان ئه‌كره‌م یه‌كه‌م شه‌هیدێ پێشمه‌رگه ل كۆبانێ شه‌هید بوو
د بيستی مه‌ها به‌رچله‌یا سالا 2015 یه‌كه‌م شه‌هیدێ پێشمه‌رگه ل باژارێ كۆبانێ یێ رۆژئاڤایێ كوردستانێ د شه‌رێ دژی رێخستنا داعشا ته‌رۆر ده شه‌هید بوو.
زێره‌ڤان ئه‌كره‌م یه‌كه‌م شه‌هید د شه‌رێ مه‌زنترین وتوندترین رێخستنێن ته‌رۆری رێخستنا داعشا ته‌رۆر جانێ خوه كر قوربانییا خاكا كوردستانێ .
زێره‌ڤان ئه‌كره‌م خه‌لكێ باژارۆكێ سوران یێ هه‌رێما كوردستانێ یه ب هه‌ڤالێن خوه یێن هێزێن پێشمه‌رگه ره ب فه‌رمانه‌كێ ژ سه‌رۆك مسعود بارزانی ژ هه‌رێما كوردستانێ به‌رێ خوه دانه رۆژئاڤایێ كوردستانێ و د شه‌رێ كۆبانێ دژی داعشێ ده به‌شداركرن .
د 31/10/2014 سه‌رۆك مسعود بارزانی ب هشمه‌ندی وسیاسه‌تا خوه كاریبوو د رییا وه‌لاتێ توركیێ ره هێزێن پێشمه‌رگه بشینه رۆژئاڤایێ كوردستانێ كو ئه‌و پێشمه‌رگه ب چه‌كێن خوه یێن سڤك ونێڤ گران وگران و تۆپێن خوه ده‌رباسی كۆبانێ بوون و ب هاوارا كۆبانێ ڤه چوون .
د شه‌رێ داعشێ ده هێزێن كوردی ب ئالیكارییا بالافرێن ناڤه‌ده‌له‌تی یا دژی داعشێ كاریبوون دووبارا ده‌ستێ خوه دینن سه‌ر گوندێن كۆبانێ وپرانییا تاخ وكۆلانێن ناڤه‌ندا باژێر . و د وێ شه‌ری ده زێره‌ڤان ئه‌كره‌م یه‌كه‌م شه‌هید د ناڤ هێزێن پێشمه‌رگه ده شه‌هید بوو وهات تۆماركرن .
ته‌رمێ شه‌هیدێ پێشمه‌رگه زێره‌ڤان ئه‌كره‌م ژ هه‌رێما كۆبانێ یێ رۆژئاڤایێ كوردستانێ به‌رڤ هه‌رێما كوردستانێ ڤه هاته شاندن ول باژارۆكێ خوه ل صۆران ب به‌شدارییه‌كه مه‌زن ژ خه‌لكێ كوردستانێ وكه‌سایه‌تیێن له‌شكه‌ری وسیاسی ونشتیمان په‌روه‌ر و وه‌لات پارێزان بخاك هاته سپارتن و هه‌ر سال د رۆژا سالڤه‌گه‌را بیرئانیا شه‌هیدێ پێشمه‌رگه زێره‌ڤان خه‌لكێ كوردستانێ وێ رۆژێ ب سه‌ربلندی وسه‌رفرازییه‌ك مه‌زن تێنه بیرا خوه .
ش.ع
397
