پهیهدێ كهچا عهفرینی یا 16 سالی ژ كامپێن دهربدهریێ رهڤاند
چهكدارێن پهیهدێ دناڤ كامپێن دهربدهرێن عهفرینێ ل دهردۆرا حهلهبێ كهچهكه شازده سالی رهڤاند وبهرهڤ جههكێ نهدیار ڤه بر وتا نها چارهنڤیسا وێ نهدیاره .
ل گۆر رێخستنا ماڤێ مرۆڤان ل عهفرینێ راگهاندیه كو چهكدارێن پهیهدێ دناڤ كامپێن دهربدرێن عهفرینێ ل دهردۆرا حهلهبێ كچا سازدهه سالی یا بناڤێ روجین عبدالقادر د نۆزدههێ مهها چله 2019 رهڤاند وبهرڤ جههك نهدیار ڤه بر .
ههمان رێخستنێ دا زانین كو ههڤدهمێ مالباتا روجین ب دایكا خوه ونهخوهشییا وێ ڤه مژوول بوون بتایبهت پشتی تێكچوونا رهوشا دایكا روجین برایێ روجین ههول دا دایكا خوه ژ بۆ حهلهبێ ڤهگوهێزه د وێ دهمێ ده چهكدارێن پهیهدێ پاوهنكاری ب وێ دهمێ كر دهمژمێر یهكێ ونیڤێ ده كچا ب ناڤێ روجین أحمد عبدالقادر رهڤاند .
روجین عبدالقادر كهچا شازدهه سالی خهلكا گوندێ عهشوونێ یێ ناڤچهیا راجۆ یه وژ دهما رهڤاندنێ ده تا نها تو ئاگاهی و زانیاری ل سهر وێ تونهیه و چیرۆكا وێ یهك ژ ب سهدان سهرپێهاتی وچیرۆكێن كو دناڤ كامپێن دهربدران و ل ههرێمێن ل بن دهستێ پهیهدێ ده چێدبن.
لێ ژبهر تارییهك وقركرنهك ژ ئالاڤێن راگهاندنێ ره بنپێكرنێن مرۆڤی ل ناڤ كامپێن دهردۆرا حهلهبێ كو ل شهبایێ تێنه ناسكرن نایێن ئهشكهرهن لێ ل گۆر نهێنیێن كو ژ ور دهردكهڤن كو ب سهدان ژ جوانێن كورد ژ بۆ لهشكهریا نهچار یا رێژیما هاتن برن و د وارێ تهندروستی ده خهمسارییهك و نهگوهدانهك ل وان دهران ههیه .
پهیهدێ پشتی شهرێ عهفرینێ 5 كامپ ژ دهربدهرێن عهفرینێ ره دروست كرن وتا نها سیایهتا خوه ل سهرێ وان دمشینه وناهێله خهلك ڤهگهرن سار مال وملكێن خوه یان ههری كێم رێ ژبۆ چوونا تاخێن كوردی ل حهلهبێ ڤهكه ژبهر وێ یهكێ كوردێن دهربدهرێن د رهوشهك خراب ده د وهرزێ زفستان و هاڤینێ ده دژین و تو كهس چارهنڤسیا وان دهربدهران نزانه .
ش.ع
725
