روژنامهیا الوهتهن :راكرنا ئال و وینهیێن پهكهكه و پهیهدێ و" ئاپۆ "بشتێ ریكهفتنهكێ دناڤبهرا پهیهدێ ورێژیما سوریێ ده یه
ArkNews : ئهڤه چهند رۆژن چهكدارێن پهیهدێ دهست ب راكرنا ئال و وینه ولۆگۆیێن خوه ژ هندهك باژارێن كوردستانا سوریێ كرنه , و بهحسا ئهگهرا ڤهگهرا رێژیما سوریێ ژ بۆ باژارێن كوردی تێ كرن ل گوری كو روژنامهیهكه نیزیكی رێژیمێ بهلاڤكریه .
پشتی كو ریڤهبهریا پهیهدێ دهست ب راكرنا ئال و وینهیێن شههیدێن خوه و وینهیێن رێبهریً خوه عبد الله ئۆجهلان ژ جادهیێن باژارێن قامشلو وحهسهكێ كریه بهحسا وێ یهكێ تێ كرن كو هندهك ناڤهندێن دیركێ ژی رادهستی رێژیمی بكن .
ل گوری زانیاریێن ئاركێ چهكدارێن پهیهدێ ل دێركێ بارهگهها خوه یا لهشكهریا نهچار یا كو بكرێ دابو رێخستنا بزیشكێن بێ سینور ڤالا كر ب مهبهستا رادهستكرنا وێ ژ بو رێژیما سوریێ ..
ژ ئالیێ خوه ڤه سهركردهیێ تهڤ دهمێ ئالدار خهلیل راگهاندبو كو بریارا راكرنا ئال ووینهیێن شههیدێن وان د كهڤه وارێ پێشكهتن ورێخستنێ ده , كو ب گوتنا وی ئهو ئال و وینه جهێن وان یێ تایبهت دڤی ههبن .
روژنامهیا الوهتهن كو نیزیكی رێژیما سوریێ یه ئهڤ یهك رهد كر و دیار كر كو راكرنا ئال و وینهیان تێ بشتێ ریكهفتنهكێ دناڤبهرا پهیهدێ ورێژیما سوریێ ده وبهحسا ئهگهرا جیبجیكرنا ههمان رێكهفتنێ ل باژارێن عامودێ وسهرێ كانیێ دكه .
د ههمان مژارێ ده الوهتن راگهاندن كو رێژیما ئهسهد دلنیازه كو ناڤهندا خوه یا لهشكهریا نهچار ڤهگهرینه هندهك باژارێن كوردی ودیاركر كو راكرنا خالێن كونترولێ ل باژارێن قامشلۆ وحهسهكێ دهستپێكه و د دهمهكه نێزیك ده وێ خالێن كونترولێ یێن ههڤبهش د ناڤبهرا رێژیما ئهسهد وچهكدارێن پهیهدێ ده وهرنه ئاڤاكرن .
ل گوری ئاگاهیێن ئارك نیووز پهیهدێ وێ رازی ببه كو چهكدارێن یهپهگێ تهڤلی ئارتیشا رێژیمی بكن , ههروهها وێ ئالا رێژیما سوریێ ل سهر دهزگههێن حكومێ مینا دهزگهها ئاڤ وئهلكتریكێ بلند ببه.
بهریا چهند روژان چهكدارێن پهیهدێ ئال و وینهیێن خوه ل باژارێ قامشلو ژی راكرن , ههڤدهمی وێ یهكێ ژی رێژیما ئهسهد دهست ب بهرفرههكرن وبهێزكرنا خالێن خوه یێن كونترولێ ل باژارێ قامشلو كرن ..
پهیهدێ ههر دهم ئیدیعا دكه كو ئهوو روژئاڤایێ كوردستانێ بریڤه دبه ودبیژه كو تو چالاكی بێ رازیبون وئهرێ كرنا وێ نایێ لدارخستن لێ رێژیما ئهسهد د كارێن خوه ده بهردهوامه بێ كو تو ئاستهنگی ژێ ره وهرن چێكرن .
594
