سه‌ركرده‌يه‌كي PKK سه‌روكاتيا شانده‌كه PYD بو روسيا كر وده‌ست ڤالا ڤه‌گه‌ريان
ئارك نيوز..
پشتي راگه‌هاندنا سه‌روكێ ئه‌مه‌ريكا دونالد ترامپ ژ ڤه‌كشانا هێزێن وان ل سوريێ ژبه‌ر كو رێخستنا داعش بداوي هاتيه و ئيدي پيويستي ب مانا وان ل سوريێ نه‌مايا .
په‌يدي نونه‌رێن خوه شاند پاريس و قاهيرا و ته‌هران و دمشقێ كرن ب مه‌به‌ستا ديتنا خوه‌ديه‌كي ژ هه‌بونا خوه‌ر ل سوريێ .
شانده‌كه په‌يدي ب سه‌روكاتيا سه‌ركرده‌يه‌كي په‌كه‌كێ بناڤێ صه‌بري ئوك سه‌ردانا روسيا كربون و ژبه‌رێ دوو روژان لگورێ ژێده‌رێن تايبه‌ت ب مالپه‌را باس نيوز ڤه‌گه‌ريان كوردستانا سوريێ بێ كو مه‌رمێن خوه بده‌ست خوه‌ڤه بينه كو چاره‌يه‌ك ژ هه‌بونا وان ره ل روژ ه‌لاتێ فه‌راتێ وه‌ره ديتن .
ژێده‌رێ تايبه‌ت يي باسنيوز ئه‌شكه‌ره‌كر كو شاندا په‌يدي ب سه‌روكاتيا سه‌ركرده‌ێ به‌كه‌كي صه‌بري ئوك روژا چارشه‌ما بوري سه‌ردانا بنگه‌ها حميميم يا له‌شكري يا روسي كربو و و پاشره به‌رێ خوه دابون روسيا و لموسكو پايته‌ختا روسيا لگه‌ل به‌رپرسنه روسي جڤيابون وپروژه‌يا خوه د ده‌ربارێ مانا وان د روژ هه‌لاتێ چه‌مێ فه‌راتێ ده پشتي ڤه‌كشانا ئه‌مه‌ريكا پێشكێش كربون .
لگوري ژێده‌رێ تايبه‌ت صه‌بري ئوك سه‌ركرده‌ێ په‌كه‌كي ته‌ڤاهيا پروژه‌ێن په‌يدي و دورشمێن رێڤه‌به‌ريا وان ژ نه‌خشه‌يا پروژه و انوستاندنێن خوه ده‌رخستبو . ئانگو دورشما فدراليه‌تێ يان نه مه‌ركه‌زيه‌تي يان رێڤه‌به‌ريا خوه‌سه‌ر يان ئومه‌يا ديمقراتيك هه‌مو لپێش به‌رپرسێن روسي دابون ئاليكي و تنێ داخوازا كربون كو رژێما ئه‌سد هه‌بونه‌ك په‌يدي ره‌مزي ل روژ هه‌لاتێ فه‌راتێ بهيله و تو كێشه‌يا په‌يدي ب رژێما سوريێ ره تونه‌يه د هه‌ڤ ده‌مێ كو ئه‌و دانپێدانا فه‌رمي ب كومكارا عه‌ربي يا سوري دكن .
وێ ژێده‌ري دا زانين كو په‌يدي سوز ژ به‌رپرسێن روسي ره دايه كو ئه‌وێ چه‌كدارێن خوه وه‌كو باسكه‌ك ژ چه‌كدارێن تائيفا عه‌لوي ين بسه‌ر رژێما ئسد ڤه قه‌لم بدن , و هه‌ر شه‌ره‌كي رژێما ئه‌سد بخوازه ئه‌و ئاماده‌ن ئه‌نجام بدن و چ مه‌ترسيا لسه‌ر رژێما ئه‌سد وه‌ره كرن ئه‌وێ لدژي مه‌ترسي راوه‌ستن سه‌ربارێ نه‌ههشتنا ته‌ڤاهيا پارتين كوردي ين سياسي ل كوردستانا سوريێ و تێك برنا هه‌ر ته‌ڤگه‌ركي كوردي ل سوريێ .
وێ ژێده‌ري ئه‌شكه‌ره‌كر كو شاندا په‌يه‌دێ رازيبوه كو چاره‌كه دن ل رێكه‌فتنێن خوه ين پارستنا بيرێن به‌ترولێ لگه‌ل رژێما ئه‌سد ڤه‌گه‌ره به‌رامبه‌ر بره‌ك په‌ره .
ته‌ڤي كو شاندا په‌يدي سازش ئانگو تنزلاتێن مه‌زن كرنه لپێش به‌رپرسێن روسي لێ به‌لێ ئالين روسي ژ وانره گوتنه كو ئه‌و نكارن وان بپارێزن به‌رامبه‌ر گه‌ڤێن توركي و رژێما ئه‌سد ژي نه ئاماده‌يه ل سه‌ر خاترا وان شه‌رێ توركي بكه .
به‌رپرسێن روسي ژ وانره گوتيه ئان هونێ چه‌كدارێن خوه حه‌ل بكن يان هونێ روبروبونا توركي بكن .
لگورێ ژێده‌ر باس نيوز تنێ سێ بژارده لپێشيا په‌يه‌دي مانه يان ئه‌وێ چه‌كدارێن خوه ته‌ڤلێ چه‌كدارێن رژێما ئه‌سد بكن .
يان ئه‌وێ ژ ده‌ڤه‌رێن كوردي ده‌ركه‌ڤن و به‌رڤ ديره زورێ هه‌رن يان ئه‌و نه‌چارن ژ سوريێ ڤه‌كشن و لشنگالێ بجهببن تا كو سه‌رئِيشي ژ هه‌رێما كوردستانێ ره دورست بكن .
z.h
313
