ماكگورك: تو پلانێن ئهمهريكا ژ بو پێشهروژا سووريێ نينه
شاندهیێ ئهمهریكا یێ كهڤن ژ بو شهرێ داعشێ راگهاند كو وهلاتێ وی تو پلانێن وێ ژ بو پێشهروژا سووریێ پشتی ڤهكشاندنا هێزێن ئهمهریكی ژ سووریێ نینه .
شاندهیێ ئهمهریكا ژ بو شهرێ داعشێ برێت ماكگورك ژ تورا "سی بی ئس" یا ئهمهریكی دیاركر كو پشتی بریارا سهروكێ ئهمهریكا دونالد ترامپ ب ڤهكشاندنا هێزێن خوه یێن لهشكهری ژ سووریێ , تو پلانێن ئهمهریكا ژ بو پێشهروژا سوریێ نینه , وئهشكهره كر كو ئهڤ یهك مهترسیێ ل سهر هێزێن ئهمهریكی یێن كو ل سووریێ نه بێهتر دكه .
ماكگورك ههروهها تهكهز كر كو ترامپ ب ئهشكهرهيى گوت پیویسته ئهم دهركهڤن , واته پیویسته ڤهكشاندهك ئارام وهره كرن لێ د دهما نهها ده تو پلانێن ئامهده كری ژ بو ڤهكشاندنێ نینه , كو ئهڤ یهك باندورا وێ ل سهر لهشكهرێن مه ههیه , ههروهها مهترسیێ ل سهر وان ژی ل سووریێ بێهتر دكه , وبێگومان وێ رێ بده چهكدارێن داعشێ كو جارهكه دن ڤهگهرن سووريێ .
دهربارێ بجهكرنا ئارتێشا توركیێ ل جهێ ئارتێشا ئهمهریكی ل سووریێ ماكگورك گوت ئهڤ یهك نایێ جیبهجیكرن ژ بهر زهحمهتبونا كشاندنا هێزێن ئهمهریكی ژ سووریێ و د ههمان دهمێ ده ههڤپهیمانیهكی دن د شهرێ داعشێ ده ل جهێ ته وهره بجهكرن , كو بگوتنا وى ئهڤ پلان تو جاران نایێ جیبهجیكرن .
ئاخافتنێن ماكگورك تێن پشتی تهقینا كو ل منبج بهریا چهند روژان رودا و د ئهنجام ده هژمارهك لهشكهرێن ئهمهریكی هاتن كوشتن وهژمارهك دن ژی بریندار كهتن .
331