عەفرین ناڤبەرا هەولێن پەیەدێ ژبۆ گوهەرتنا دیموغرافیێ و كارێن ئەنجومەنێن خوەجهی؟

پارتیا یەكیتیا دیموقراتیك پەیەدێ و راگهاندنا وێ لسەر عەفرینێ رۆندكێن تمساحان دبارینن، كو عەفرین بخوە بوو قوربانیا سیاسەت و پیلانێن پەیەدێ، د وی دەمی دە كو سیاسەتێن كو پەیەدێ ل عەفرینێ پێك ئانین، رێژیما ئەسەد د دەهێن سالان دە پێك نەئانینە، مینا كۆچبەركرن، و گوهەرتنا دیموغرافیا عەفرینا كوردستانی، ئەو سیاسەتێن كو هین ژی پەیەدێ لناڤچەیێن دن یێن رۆژئاڤایێ كوردستانێ بجی دكە.

ل عەفرینا رۆژئاڤایێ كوردستانێ رێژەیا كوردان دەردۆرا نۆت و هەشت ژ سەدی بوو، عەفرین و عەفرینیان كارین ناسنامەیا خوە یا كوردی و كوردستانی لژێر دەستهلاتا رێژیما ئەسەد دە ژی پبارێزن، پشترە پەیەدێ هەول دا رێژەیا كورد و عەرەبان ل عەفرینێ وەك هەڤ بكە.

د مادەیا سێیان یا سیستەما هلبژارتنان یا ناڤچەیێن لژێر كۆنترۆلا پەیەدێ كو پەیەدێ و ئالیێن بسەر ڤە د مالپەرێن خوە دە رۆژا 20.08.2017 بەلاڤكربوون، هاتیە كو:
رێژیەیا 40% ژ نوونەرێن بەربژێر، ل گۆری پرەنسیپا لهەڤكرنێ تینە دەستنیشانكرن، ژبۆ دەڤەرا عەفرینێ ژی، 32 كورسی هاتن تەرخانكرن، و وەها تێنە دابەشكرن:
كورد 9 كورسی
عەرەب 9 كورسی
ئێزیدی 4 كورسی
توركومان 2 كورسی
شەركەس 1 كورسی
ئەرنائووت 1 كورسی
جوان 6 كورسی، سێ ژبۆ عەرەبان و سێ ژبۆ كوردان.

ل گۆری سیستەما هلبژارتنان یا پەیەدێ كو هەر وەلاتیەكی سووری نشتەجیێ ناڤچەیێن لژێر كۆنترۆلا پەیەدێ بە، مافێ بەربژێركرن و دەنگدانێ هەیە، هەروەها كەسێن كو ب بریارەكە سیاسی هاتبن نشتەجیكرن، وەكە ئاماژە ب عەرەبێن غەمر، ئەو ژی خوەدی مافێ بەربژێركرن و دەنگدانێ یە د هلبژارتنێن كۆمین و ئەنجومەنێن گوند و شارەداریان دە.


وەكە بەراوردركرن ب سیاسەت و هەولێن پەیەدێ ژبۆ بجیكرنا گوهەرتنا دیموغرافی ل عەفرینێ و وەكهەڤكرنا رێژەیا كورد و عەرەبان، پرسەك دەردكەڤە هۆلێ گەلۆ ئەنجومەنێن عەفرینێ یێن سڤیل كو نها لعەفرینێ دمینن، چاوا رێژەیا كوردان بەرچاڤبرنە.

رۆژا 18.03.2018ان ل عنتابێ كۆنگرەك ل ژێر ناڤێ كۆنگرێ هاوارچوونا عەفرینێ كو تێ دە كەسایتنە ئەكادیمیناس، چالاكڤان و مافپەروەر یێن عەفرینێ بەشدار بوون، هات لدارخستن، كۆنگر ب داوینامەیەكە حڤدە خالی بداوی هات، و لسەر وێ بنگەهێ پشترە ئەنجومەنوێن خوەجهی هاتن ئاڤاكرن.

د بەندا هەشتان یا داوینامەیا كۆنگرێ عەفرینێ هاتیە كو دڤێ رێڤەبریا باژارێ عەفرینێ و دەورووبەرێن وێ ژبۆ خەلكێ عەفرینێ وەرە رادەستكرن.

د بەندا نەهان دە ژی هاتیە كو وێ ئەنجومەنەكە سڤیل هلبژارتی ژ خەلكێ عەفرینێ ب سەرپەرەشتیا رێخستنێن مافپەروەری و سڤیل ژبۆ برێڤەبرنا كاروبارێن سڤیل یێن عەفرین و گوندێن وێ وەرە هلبژارتن.

لسەر بنگەها كۆنگرێ عەفرینێ، حەفت ئەنجومەن لعەفرین و كوندەوارێن وێ هاتن ئاڤاكرن، ژ 115 ئەندامان پێك تێن، 102 ئەندام كوردن، و 12 ئەندام عەرەبن، و 1 ئەندام توركمانە، و وەها هاتن دابەشكرن.
1-ئەنجومەنا باژارێ عەفرینێ: ژ 20 ئەندامان پێك تێ، 11 كورد، 8 عەرەب، و 1 توركومان
2-ئەنجومەنا جندرێسێ: ژ 15 ئەندامان پێك تێ، 11 كورد، 4 عەرەب.
3-ئەنجومەنا راجۆیێ: 20 ئەندام، هەموو كوردن
4-ئەنجومەنا شییێ: 15 ئەندام، هەموو كوردن
5-ئەنجومەنا شەرانێ: 15 ئەندام، هەموو كوردن
6-ئەنجومەنا بلبلێ: 15 ئەندام، هەموو كوردن
7-ئەنجومەنا مۆباتایێ: 15 ئەندام، هەموو كوردن

ل گۆری وێ دابەشكرنێ، 88.89% ژ ئەنجومەنێن عەفرینێ كوردن، و 10.43% عەرەبن، و دڤێ بەربژێر ژ حەلكێ عەفرینێ بە.

ل ئالیەكی دن ژی، و لسەر زارێ بەرپرسێن پەیەدێ، دەردۆرا 300هەزار دەربدەرێن سووریێ ل عەفرینێ د سەردەما پەیەدێ دە هاتبوون بجیكرن، هەموو هەسانكاری ژ ئالیێ پەیەدێ ڤە ژبۆ وان هاتبوو پێشكێشكرن بێ كو بریار و یاسایێن پەیەدێ لسەر وان دەربەدەران وەرن بجیكرن مینا لشەركەیا نەچاری، د وی دەمی دە كو ب هەزاران جوانێن كود و مالبات ژ عەفرینێ ژبەر سیاسەتێن پەیەدێ كۆچبەر دبوون.

548