لەشكەركە ئەمەریكی ب رەگەزنامە كورد دناڤا قوربانیێن تەقینا منبجێ دە هەبوو
ل گۆر راپۆرتێن رۆژنەمەڤانی ، رۆژا چارشەممێ (16.1.2019)، تەقینەك ناڤەندا باژارێ منبجێ هەژاند وهژمارەك لەشكەرێ ئەمەریكی دناڤا قوربانییان دە هەبوون ویەك ژ وان ژی كەچەكە ئەمەریكی ب رەگەزنامە كورد هەبوو.
د ویێ تەقینێ هەتا نها 19 كوشتی هەنە و (4) ژ وان قوربانییا لەشكەرێن ئەمەریكی بوون و رێخستنا تەرۆری "داعش" بەرپرسیاریتییا وێ تەقینێ ل ستۆێ خوە گرت.
پشتی تەقینێ هێزێن هەڤپەیمانییا ناڤدەولەتی راگهاند، كو دەوریەكە هەڤپەیمانێ وێ سبەهێ ل باژاری منبجێ بوو و هژمارەكە ژ ئەندامێن هێزێن ئەمەریكی د وێ تەقینێ هاتنە كوشتن .
مالباتا كەچا كورد یا ب ناڤێ غدیر كاوە تالەبانی ژبۆ ئاركێ دا زانین كو كەچا وان مینا وەرگێرەكێ دگەل هێزێن ئەمەریكی ل منبجێ كار دكر.
غەدیر ل گەل دێ وبافێ خوە ل وەلاتێ ئەمەریكا دژیا و باڤێ وێ خەلكێ هەرێما كوردستانێ بوو و دیا وێ ژی خەلكا سووریێ یە.
ئەڤ ئێریشا تەرۆری یا "داعش" پشتی مەهەكێ ژ بریارا سەرۆكێ ئەمەریكا دۆنالد ترامپ ژبۆ ڤەكشانا هێزێن ئەمەریكا ژ سووریێ هات.
ر.ع
334
