چما پهيهدێ ئێريش گوندێ ئاڤرازێ يێ عهفرينێ بهري كۆمكوژيا شێخ حهنان كر
د رۆژهكه وهكه ئيرو ده بيست ونههێ حزێرانێ سالا دوو ههزار دوازدههان چهكدارێن پهيهگێ ئێريشي گوندێ ئاڤرازێ يێ ناڤچهيا مابهتا كرن داكو سهركردهيێ پارتيا دهمقراتا كورد ل سوريا البارتي كو نهها ئهو پارتي بوويه پارتيا دهموقراتا كوردستان سوريا دكتور هاشم شێخ نهعسان بهرپرسێ ناڤهندا عهفرينێ يا پارتي بنچاڤ بكن كو ئهو ئيريش وهك پلانهكه دهسپێكهكي بوو ژ كۆمكوژيا دهرحهقێ مالباتێ نهخاسم مالا شێخ حهنان كو پشتي وێ ب پێنج رۆژان كۆمكوژي د 4/7/2012 هاته پێكئانين .
دكتۆر هاشم ژ ئاليێ ئهولكاريا رێژيما سوريێ ڤه دهاته خوهستن وژ بهر وێ يهكێ دهرمانخانهيا خوه يا ل ناڤهندا عهفرينێ ب جي ههشت وبهرێ خوه دا گوندێ خوه گوندێ ئاڤرازێ كو د مهها 12 / سالا 2012 زانيبوو كو ئهو ژ ئاليێ ئهولكاريا سياسي يا ناڤهندا باژارێ عهفرينێ كو ب سهرپرشتيا رائد ئهكرهم سلێمان دهات ب رێڤهبرن تێ خوهستن. و دهما رێژيمێ عهفرينێ رادهستي پهيهدێ كر چهكدارێن يهپهگێ ب كارێ بهردهوامكرنا ديڤچون وشووپاندنا كارێ سياسهتمدهار و چالكڤانان كرن ودوسيا هاشم يهك ژ دوسهيێن ب سهدان بوو.
يهكهم گهڤ ل پێش مالا وي ل تاخا ڤيلات ريا ناڤهندا چاندنيێ يا عهفرينێ د 2/2/2012 ان بوو ئهنگۆ بهري رۆژهكێ ژ خوهپێشاندانا مهزن يا ئهنجومهنا نشتيماني يا كوردي ل عهفرنيێ بوو وب ئهشكهره وزهلالي چهكدارێن يهپهگێ ژێره گوتن ئهگهر كارێ پارتيتي و سياسي و لڤ وتهڤگهرا خوه يا شۆرهشي بهرنهده ئهوێ يان وي بكوژن يان كورێ وي يێ تهكانه بهرهڤينن وژ وێ رۆژێ ده دكتور هاشم شێخ نهعسان خوه ژ چاڤێن پهيهدێ ڤهدزاندن وكارێ خوه ل عهفرينێ راوهستاند.
پشتي كو پهيهدێ پێ زانين هاشم ل گوندێ خوه يه ب سهدان ژ چهكدارێن خوه ئامهدهكرن داكو ئيريش گوند ئاڤرازێ بكن ود بيست ونههێ مهها شهشان ئهنكو حزێرانێ ده ئيريش ب سهرپرهشتيا ههڤال كهمال بهرپرسێ لهشكهري يێ عهفريني و ههڤال عهدنان بهرپرسێ ناڤچهيا مابهتا ههڤال چهكدار بهرپرسێ مودهههماتان ئهنگو ئيريشان وگرتنا سالا مالان وسهركردهيهكه يهپهژێ و ب سهدان ژ چهكداران هاته بێكئانين.
ژبهر كو مالباتا شێخ نهعسان نه خوهستن هاشم رادهستي پهيهدێ بكن سيپان حهمۆ برپرسێ گشتي يێ يهپهگێ ل رۆژئاڤاێ كوردستانێ پهيهوندي ب سهركردهيێ الپارتي ره خهليل عهزت ره كر وژێ خوهست بهرێ خوه بده گوندێ ئاڤرازێ داكو تو پهڤچوون روونهدن ههروهها تێكليێن ههڤال حهسهن كورزێلێ بهرپرسێ سياسي يێ عهفرينێ ژ برپرسێن كو ل گوند ئامهدهنه بهردهوام بوون داكو تو پهڤچوون روونهدن كو د وێ دهمێ ده سيپان حهمۆ و ههڤال حهسهن نه ل عهفرينێ بوون .
پشتي دانوستاندنان كو دهردۆرا سێ دهمژمێران بهرخوه دان هاشم هاته رادهست كرن و سێ رۆژان د زيندانێ ده هشتن و 2/7/2012 سهربست هاته بهردان و 4/7 د رۆژا كۆمكوژيا مالباتا شێخ حهنان ده جارهك دن ب بيست وشهش كهسان ژ مالباتێ هاته بنچاڤ كرن ول زيندانا گوندێ هوبكا يێ راجۆ ئهو ومالباتێ راستي ئهشكهنجێ هاتن ود ئهنجامدا نورالدين كورێ شێخ حهنان ژيانا خوه دبن ئهشكهنجێ ده ژيانا خوه ژ دهست دا وشههيد بوو و 10/7/2012ولگۆر رێكهفتنا دهستهيا بلند ژ زيندانێ هاته بهردان و ژ عهفرينێ هاته سوركون كو د 11 مهها 7 رێكهفتن ب فهرمي ل ههرێما كوردستانێ ب سهرپرشتيا سهرۆك مهسعوود بارزانێ هاته ئيمزهكرن و ل گۆر وێ رێكهفتهنێ هێدي هێدي گرتيين كومكوژيا مالباتا شێخ حهنان سهربست هاتن بهردان كو د زيندانا رهش ده ل گوندێ شێخ بلا يێ راجۆ بوون و كو يهكهم جار ئهو زيندان ب گرتيێن وێ مالباتێ ده هاته ڤهكرن.
گوندێ ئاڤرازێ يهك ژ گوندێن كو پهيدێ ژ خوه كر ه بوون ئارمانج وهك گوندێ سينكا كۆسا چهقلمه برج عهبدالو ودكتور هاشم شێخ نهعسان يهك ژ سهدان وهلاتيێن عهفرينێ يێن راستي ئهشكهنجهێ هاتن وژ عهفرينێ هاتنه سورگون كرن .
شێخۆ عهفريني
627
