گراهام: پلانهك ئهمهريكي توركي ههيه YPG-PYD ژ سينور دوربكه
ئارك نيوز.. پلان ولههڤهاتنێن ئهمهريكي توركي هن بهن دهردگهڤن هولێ و ئهشكهردبن .
لينزي گراهام سيناتورێ كوماري يي ئهمهريكي د گونگرهكي روژنامهڤاني ده ئيرو 19/1/2019 ژ ئهزقهراێ راگههاند كو سهروك ئهركانێ ئارتێشا ئهمهريكي يي ههڤبهش جوزيڤ دنفورد لگهل ئارتێشا توركي گههشتنه رێكهفتنهكي كو چهكدارێن YPGوPYD ژ سينورێ توركي ب كوردستانا سوريێره دوربكن بێ كو بده دياركرن وێ چ چارهێ ژ YPGوPYD بيبينن .
لينزي گراهام ئهشكهرهكر كو ئهگهر ههيه سهروكێ ئهمهريكا دونالد ترامپ ڤهكشانا هێزێن ئهمهريكي ژ سوريێ هنهكي پاشبخه تا كو رێخستنا داعش يا تهرورست ب تهمامي ژ سوريێ وهره ژ ناڤ برن .
سيناتورێ ئهمهريكي راگههاند كو ئاگاهيهك باش ههيه , ئهو باوهردكه كو جوزيف دنفورد پلانهك ههيه تا كو چكدارێن YPGوPYD ژ سينورێ توركي دوربكن , سهرباري كو نابه چهكێن ئهمهريكي ين گران بمينن د دهستێ چهكدارێن ناڤ بوري ده , ژبهر كو مهترسي دورست دكن .
لينزي گراهام دا دياركرن كو باسكێ سياسي يي چهكدارێن YPG ئانگو PYD گرێداي ب PKK يه و ئهو يهك ژ ئاليي توركيا ڤه ناێ قهبولكرن ژبهر وێ يهكێ توركيا رژده ل سهر ئهنجامدانا ئوپراسيونا لهشكهري ل روژ ههلاتێ چهمێ ڤهرتاێ ژبهر كو مهترسيا چهكدارێن ناڤ بوري ل سهر سهروهريا توركي ههيه .
روژ بروژ پلان و نهخشهنه نوو ژ پاشهرورژا كوردستانا سوريێ ره كو ل سهر دهستێ ئهمهريكا و توركيا تێنه سازكرن دهردگهڤن هولێ و ئهشكهرهدبن گهلو دوسهيا كوردي ومافێ رهوا تا چ رادهێ تێ بهرچاڤ كرن.
Z.H
225