پیدرسۆن چارسەرییا سیاسی ل گەل دەستەیا دانووستاندكارا سووریێ گۆتووبێژ كر

دەستەیا دانووستاندكارا سووریێ راگهاند كو د یەكەمین هەڤدیتنا وێ ل گەل شاندەیێ ناڤدەولەتی یێ نوو ژبۆ سووریێ گیر پێدرسۆن ل ریادێ دە، چارسەرییا سیاسی گۆتووبێژ كر.

دەستەیا دانووستاندكارا سووریێ، ئیرۆ(19.1.2019)،داخویانیەك بەلاڤ كر و تێدە بەحسا جڤینا خوە ل گەل شاندەیێ ناڤدەولەتی ژبۆ سووریێ كر و ئەو خالێن كو ئالیكار بن ژبۆ گەهشتن ب چارسەرییەكە ساسی بەحس كرن و دەستپێكێ دە ئامەدەبوونا دەستەیا دانووستاندكار ژبۆ ئالیكاریێ ب شاندەیێ ناڤدەولەتی رە هەر وەك چاوە ئالیكاربوون بەرێ ژی ب شاندەیێ دن رە ، دا كو دەم چی دن وندا نەبە ول گۆر بریارا جنێڤ 1 و بریارێن ناڤەدەولەتی وئەنجومانا ئەولەهیێ گرێدایی رەوشا سووریێ ونەخاسم بریارا ناڤدەولەتی (2254) كو مینا برنامەیا چارەسەرییا سیاسی وریێا وێ تێ ناسكرن، چارسەرییەكێ ژ كریزا سووریێ رە ببینە.

وهەروها مژارا دەستۆریێ و ئاڤاكرنا بەشەكی دن یێ جڤینی بوو.كۆمیتا دەستۆرێ مینا بەشەكێ ژ پرۆسەیا سیاسی یا دانووستاندنان وڤەكرنا ریێەكێ ژبۆ ئەنجامدانا راپرسییەكێ ل سەر رشپەلكا دەستۆرێ وەكە پیشەكیەكێ ژبۆ ڤەگوهەستنا سیاسی یە.

د داخویانییا دەستەیێ دە هەروها هاتییە، دڤی كار وەرە كرن ل سەر ئاڤاكرنا باوەرییەكێ و د دەستپێكێ دە رزگاركرنا گرتییان و رەڤاندیان و دیاریكرنا چارەنڤیسا بێ سەرۆشوێنان وراوەستانا بنپێكرنان ل هەمی ناڤچەیێن سووریێ وهلگرتنا بەرپرسیاریتییا ئێش وئازارێن پەنابەران و كۆچبەران و ب تایبەتێ ئەوێن راستی ژیانەكە زەحمەت ل كەمپێن دەربەدەریێ وپەنابەریێ، تێن.

شاندەیێ نوو یێ ناڤەدولەتی ژبۆ سووریێ بەری جڤینێ ژبۆ سەرۆكێ دەستەیێ الدكتور نصر الحریری تەكەز كربوو كو ئەوێ دانووستاندنە ئاكتیڤ و ئاڤاكری ژبۆ كریزا سووریی بكە و دێ بمفا بن ژبۆ پێشەرۆژا سووریێ) .

پیدرسۆن ژ دەزگەهین راگهاندنێ رە راگهاندن بوو كو ئەوێ دەست ب دانووستاندنان ب ئالیێن كریزا سووریێ رە بكە پشتی ڤەگەرا وی ژ شامێ.

شاندەیێ ناڤەدەولەتی نوو ژبۆ سووریێ گێر پێدرسۆن گوه ل نەرینێن دەستەیا دانووستاندكارا سووریێ گرت و تشتا كو دەما بووری دە ل سەر قۆناغێن جوودا هاتبوو كرن وژ دەڤێ دەستەیێ بهیست بوو.

ژ ئالیێ خوە ڤە ژی، الدكتور نصر الحریری پێشوازیێ لێ كر و ل سەر تویتەرا خوە نڤیسی بوو ئەم بخێرهاتنا گێر پیدرسۆن دكن و ئەم بهیڤی نە كو ئەو بكارە وان ئاستەنگیێن كو هاتبوون پێشییا شاندیێ بەری وی دەرباس بكە.

ر.ع

374