گه‌ره‌ك دن ژ دانوستاندنێن استانا وێ د هه‌يڤا بێ ده وه‌ره لدارخستن
جیگرێ وه‌زیرێ ده‌رڤه یێ روسیا راگهاند كو گه‌ره‌كه دن ژ دانوستاندنێن ئاسیتانا ژ بو گفتوگوكرنا ره‌وشا سووریێ وێ د هه‌یڤا سوباتا بێ ده وێ وه‌ره لدارخستن .
جیگرێ وه‌زیرێ ده‌رڤه یێ روسیا "سیرغی فیرشینین" راگهاند كو جڤینا بێ یا تایبه‌ت ب ره‌وشا سووریێ وێ دنیڤی ددوان ژ هه‌یڤا سوباتا بێ ده وه‌ره لدارخستن , ودیاركر كو نه‌ها كار ل سه‌ر جیبه‌جیكرنا ده‌مێ جڤینان تێ كرن .
فیرشینین بالكشاند سه‌ر وێ یه‌كێ كو شانده‌يێ ناڤده‌وله‌تى یێ تایبه‌ت ب سوریێ "غیر پیدرسن" وێ د چه‌ند روژێن بێ ده سه‌ره‌دانا روسیا بكه , وسه‌رباركر كو ئه‌م پلانان داتینن ژ بو لدارخستنا جڤینه‌كێ ل گه‌ل شانده‌رێ ناڤده‌وله‌تى ژ بو سووریێ پیدرسن د بیست ویه‌كێ ڤێ هه‌یڤێ ده ل موسكویێ .
فیرشینین ته‌كه‌ز كر كو ئه‌ڤ یه‌كه‌م سه‌ره‌دانه ژ پیدرسن ره ژ بو روسیا له‌وما ئه‌مێ ل نه‌رینا وی ده‌ربارێ چاوانیا جیبه‌جیكرنا بریارێن نه‌ته‌وێن یه‌گرتی وكار ژ بو بده‌ست خستنا ئارامیێ ل سووریێ بنه‌رن .
لێ به‌رپرسێ روسی دیارنه‌كر گه‌لو وێ كی ژ وه‌لاتێن گه‌ره‌نتیدار ژ دانوستاندنێن ئاستیانا ره ئانكو روسیا وئیران وتوركیا وێ ئامه‌ده ببن ,هه‌روه‌ها به‌حسا شاندێن ئوپوزسیون ورێژیما سووریێ ژی نه‌كرن گه‌لو وێ كی نونه‌راتیا وان بكه د ڤان جڤينان ده ؟
تێ پێشبینی كرن كو د ڤێ جڤينێ ده به‌حسا ئامه‌ده‌كاریێن كومیتا ده‌ستوری سوری وه‌ره كرن هه‌روه‌ها به‌شه‌كی مه‌زن وێ بدن ره‌وشا باكورێ سووریێ وبتایبه‌ت ره‌وشا پارێزگه‌ها ئدلبێ .
309
