فورد: ڤه‌كشاندنا ئه‌مه‌ريكا ژ سووريێ نه خيانه‌ته وپه‌يوه‌نديێن مه ب په‌يه‌دێ ره ده‌مكى نه
بالیوزێ ئه‌مه‌ریكا یێ كه‌ڤن ل سوریا راگهاند كو چه‌كدارێن په‌یه‌دێ و یه‌په‌گێ ل سووریێ شه‌رێ داعشێ ژ به‌ر به‌رجه‌وه‌ندیێن تایبه‌ت دكن .
بالیوزێ ئه‌مه‌ریكا یێ كه‌ڤن ل سووریێ روبرت فورد د سیمیناره‌كێ ل ناڤه‌ندا "وودرو ویلسون" یا لیكولینان به‌حسا ڤه‌كشاندنا هێزێن له‌شكه‌ری ئه‌مه‌ریكی ژ سووریێ و ئه‌نجامێن وێ كر .
ده‌ربارێ په‌یوه‌ندیێن ئه‌مه‌ریكی ب چه‌كدارێن په‌یه‌دێ ل سووریێ روبرت فورد ئه‌شكه‌ره كر كو په‌یوه‌ندیا واشتنتن ب په‌یه‌دێ و په‌كه‌كێ ره ل سووریێ بته‌نێ ده‌مكی و ته‌كنیكی یه .
فورد هه‌روه‌ها ئه‌شكه‌ره كر كو ئه‌مه‌ریكا تو په‌یوه‌ندیێن دور ودرێژ ب په‌یه‌دێ ره نه دانینه , وته‌كه‌ز كر كو هه‌ڤالبه‌ندیا ئه‌مه‌ریكا ب كوردان ره ل سووریێ دكه‌ڤه وارێ هه‌ڤپه‌یمانیه‌ك له‌شكه‌ری ته‌كنیكی .
دیبلوماتكارێ ئه‌مه‌ریكی دیاركر كو په‌یوه‌ندیا دناڤبه‌را په‌یه‌دێ وپه‌كه‌كێ ده دیاره ونایێ ڤه‌شارتن , لێ ئه‌مه‌ریكا ئه‌ڤ یه‌ك ڤه‌شارت ژ بو سه‌ركه‌فتنا شه‌رێ وێ ل دژی داعشێ .
ده‌ربارێ شه‌رێ داعشێ ل سووریێ فورد ته‌كه‌ز كر كو ئارمانجا په‌یه‌دێ ژ شه‌رێ داعشێ نه ژناڤبرنا ته‌رورێ يه , لێ به‌رجه‌وه‌ندیێن وێ یێن تایبه‌ت هه‌نه ژ شه‌رێ داعشێ ل سووریێ .
ده‌ربارێ چاره‌نڤیسا كوردان پشتی ڤه‌كشاندنا هێزێن ئه‌مه‌ریكی ژ سووریێ روبرت فورد سه‌رباركر وگوت ئه‌ز باوه‌ر ناكم كو ڤه‌كشاندنا ئه‌مه‌ریكا ژ سووریێ " خیانه‌ته " ژ كوردێن سووریێ ره .
رامان حسو
328
