ئەردۆغان و پۆتین دەمێ ئاڤاكرنا دەڤەرا ئارام وێ گۆتووبێژ بكن

ارك نیوز .. رەجەب تەیب ئەردۆغان سەرۆكێ توركیێ بنیازە د هەیاما چەند رۆژێن بێ دە سەرەدانا موسكۆیێ بكە و لگەل فلادیمێر پۆتین سەرۆكێ روسیێ بجڤە ژبۆ گونگەشەكرنا دەمێ ئاڤاكرنا دەڤەرا ئارام و دژی فرینێ ل رۆژئاڤایێ كوردستانێ .

بەردەڤكێ وەزارەتا دەرڤە یا توركیێ هامی ئكسۆی د كونگرەكی رۆژنەمەڤانی دە راگهاند كو بەری نها حكومەتا توركیێ پێشنیارا ئاڤاكرنا دەڤەرەكە ئارام ل كوردستانا سوریێ كربوو ژبۆ گەرەنتیا سەلامەتیا پەنابەران لێ ئەڤ پێشنیار هات رەدكرن .

بەردەڤكێ وەزارەتا دەرڤە یا توركیێ ئەشكەرە كر كو ژبۆ ڤێ پرسێ توركیێ و ێ لگەل روسیێ دانوستاندنان بكە و گۆت بریارە رەجەب تەیب ئەردۆغان سەرۆكێ توركیێ د بیست وسیێ ڤێ مەهێ دە سەرەدانا روسیێ بكە و لگەل هەڤشانێ خوە یێ روسی فلادیمێر پۆتین سەرۆكێ روسیێ بجڤە و دەمێ ئاڤاكرنا دەڤەرا ئارام و دژی فرینێ ل رۆژهەلاتێ چەمێ فەراتێ گۆتووبێژبكە .

دەربارێ ڤەكشانا هێزێن ئەمەریكی ژ سوریێ ئەكسۆی دا زانین كو نابە ڤەكشانا هێزێن ئەمەریكی ژ سوریێ بكڤە بەرژەوەندیا پە یە دێ دە .

بەریا چەند رۆژان دۆنالد ترامپ سەرۆكێ ئەمەریكا تویتەك بەلاڤ كربوو و تێدە پێشنیارا ئاڤاكرنا دەڤەرەكە ئارام و دژی فرینێ ب كووراهیا سیه و دوو كیلۆمتریان ل رۆژهەلاتێ چەمێ فەراتێ راگهاندبوو كو وەلاتێ توركیێ ژ ئالیێ خوەڤە پێشوازی ل ڤێ پێشنیارێ كر ..
گرێدایی ڤێ مژارێ ئبراهیم كالن بەردەڤكێ سەرۆكاتیا توركیێ گۆت كو وەلاتێ وی وێ سەرپرشتیا ڤێ دەڤەرا ئارام بكە یاكو بریارە وەرە ئاڤاكرن .

ژ ئالیێ خوەڤە ژی مولوود چاویش ئۆغلۆ وەزیرێ دەرڤە یێ توركیێ تەكەز دكە كو توركیێ وێ د دانوستاندنێن خوە دە ب ئەمریكایێ رە بەردەوامبە دەربارێ ئاڤاكرنا دەڤەرا ئارام و دژی فرینێ ل كوردستانا سوریێ و كۆت كو دەڤەرا ئارام گەلەكی گرنگە ژبۆ ڤەگەرا جێكری و ئارامیێ لباكورێ سوریێ .

بەریا نها ژی سەرۆك كۆمارا توركیێ رەجەب تەیب ئەردۆغان راگهاندبوو كو ئەگەر ئەمەریكا هێزێن خوە ژ سوریێ ڤەنەكشینە د وێ دەمێ دە توركیێ وێ دەست ب ئۆپەراسیۆنا خوە یا لەشكەری ل رۆژهەلاتێ چەمێ فەراتێ بكە لێ پشتێ ئەنجامدانا پەیوەندیەكە تەلیفۆنی لگەل ترامپ د چاردەهێ بەرچلەیا بووری ئەردۆغان پاشخستنا ئەنجامدانا ئۆپەراسیۆنا لەشكەری ل رۆژهەلاتێ جەمێ فەراتی راگهاند .

ل.ع

863