رێژیما ئەسەد د بنپێكرنا دەڤەرێن كێمكرنا ئاستێ شەر دە لسوریێ بەردەوامە

ارك نیوز .. رەوانگەها سوریێ یا مافێ مرۆڤان بەلاڤ كر كو هێزێن رێژیما ئەسەد د بنپیكرنێن خوە دە ل دەڤەرێن كێمكرنا ئاستێ شەر دە لسوریێ بەردەوامە هەری داویژی ئارمانجكرنا هەژمارەك باژار و باژارۆك ل دەڤەرا بێ چەك لگوندەوارێ ئدلبێ كرە ئارمانج .

روانگەها سوریێ یا مافێ مرۆڤان راگهاند كو بەربانگا ئیرۆ هێزێن رێژیما ئەسەد هەژمارەك دەڤەر لباژارێ اللتامنە لباكورێ گوندەوارێ حمایێ بتوندی ئارمانج كر د ئەنجامێ دە زیانێن جانی و مادی كەتن هەرڤدەمی تۆپبارانكرنا هەژمارەك دەڤەر لباكورێ رۆژهەلاتێ چیایێ لازقیێ و دەڤەرێن ل سهل ئەلغاب .

هەمان رەوانگەهێ دیار كر كو شەڤا بووری گروپێن تووندرەو بنگەهێن رێژیما ئەسەد لباشورێ گوندەوارێ حەلەبێ ئارمانج كرن و سەربار كر كو چەكدارێن رێژیما ئەسەد و مێلیسێن بسەرڤە دۆه گوندەوارێ حمایێ بتایبەتی گوندێ السخر و دەردۆرا وێ بومبەبارانكرن كو د ئەنجاما وێ ئێریشێ دە هەژمارەك قربانی كەتن .

هەروەها رەوانگەها سوریێ یا مافێ مرۆڤان ب بەلگە دیار كر كو ئیرۆ د ئەنجاما ئێریشكرنا دەڤەرا السرمانیە لسەر سینۆرێ دناڤبەرا ئدلب و حمایی دە ژ ئالیێ هێزێن رێژیما ئەسەد هەژمارەك كەس ژ یەك ماباتێ برینداربوون و وەلاتیەكە دن هاتە كوشتن كو بڤێ یەكێ هەژمارا كوشتیان ژ دەما راگهاندنا رێكەفتنا راوەستاندنا شەر دناڤبەرا توركیێ روسیێ دە گهشتیە 180 كوشتیی دناڤ واندە 17 زارۆك و 6 ژن هەبوون .

وەانگەهێ هەروەا دا دیاركرن كو چەكدارێن رێژیما سوریێ و مێلیسین بسەرڤە ب هەژمارەك تۆب دەڤەرا چەمێ سپی لباكورێ باژارێ جسر الشغورتۆپباران كر د ئەنجامێ دە هەژمارەك كوشتی وبریندار كەتن هەڤدەمی ئارمانجكرنا دەڤەرا كفرزێتا لگوندەوارێ حمایێ كو د ئەنجاما وێ یەكێ دە زیانێن مادی مەزن گهشتن مال وملكێن وەلاتیێن سڤیل ئەوژی پشتی ئارمانجكرنا هەژمارەك گوند و باژارۆك لگوندەوارێ ئدلبێ كو هەژمارەك سڤیل بوونە قربانیا وێ ئێریشێ .


ل.ع

221