ماكرۆن: ئەم هێزێن خوە ژ سووریێ وعێراقێ ڤەناكشێنن

آرك نيوز...سەرۆكێ فەرەنسا تەكەز كر كو هێزێن فەرەنسا ژ عێراق وسووریێ ڤەناكشن , ژ بەر رێخستنا تیرۆرستی یا داعشێ هینا نەهاتیە ژناڤبرن , ومەرسیێن داعشێ ب داوی نەهاتنە .

د گوتارەكێ دە ئیمانوێل ماكرۆن سەرۆكێ فەرەنسا ل پێشیا فەرماندارێن لەشكەری ل باژارێ تۆلووس یێ فەرەنسی راگەهاند كو هەتا وەكە نها هێزێن فەرەنسی ل سووریا وعێراقێ رووبرووێ چەكدارێن رێخستنا تیرۆرستی یا داعشێ دبن , وشەر ل دژی وێ رێخستنێ بەردەوامە , وژبەر ڤێ چەندێ هێزێن فەرەنسی د دەما نهادە ژ هەردو وەلاتان ڤەناكشن .

سەرۆكێ فەرەنسا دەربارێ تەقینا رۆژا چارشەما بووری كو ل باژارێ منبجێ هاتی ئەنجامدان راگەهاند كو ئەڤ تەقینا كو ل باژارێ منبجێ هاتی ئەنجامدان كو د ئەنجامێ دە ب دەهان وەلاتی بوونە قوربانی , بەلگەیە كو هینا مەترسیا رێخستنا تیرۆرستی یا داعشێ ل دارە .

هەروەها ئیمانوێل ماكرۆن سەرۆكێ فەرەنسا راگەهاند كو هەری كێم بۆ دەما سالەكێ هێزێن فەرەنسی ژ عێراقێ وسووریا ڤەناكشن , ودەما كو فەرەنس پشت راست بوو كو رێخستنا تیرۆرستی یا داعشێ ومەترسیێن وێ هاتنە ژناڤبرن , وی دەمی فەرەنسا وێ ڤەكشانا هێزێن خوە گۆتووبێژ بكە . 4

ئەڤ گۆتنێن ئیمانوێل ماكرۆن سەرۆكێ فەرەنسا پشتی دو رۆژان ژ تەقینا باژارێ منبجێ تێن , وئەڤ كریارا تیرۆرستی بوو سەدەم كو فەرەنسا جارەكە دن هزرێ ل دەمێ ڤەكشانا هێزێن خوە ژ سووریێ وعێراقێ بكە.

بەریا نەها سەرۆكێ فەرەنسا رەخنە ل بریارا دۆنالد ترامپ سەرۆكێ ئەمریكا یا تایبەت ب ڤەكشانا هێزێن ئەمریكی ژ سووریێ گرت , ودل گرانیا خوە ژ بریارا دۆنالد ترامپ نیشان دا .

هەروەها وەزیرا بەرەڤانیا فەرەنسا فلۆرنس بارلی د یەكەم رۆژا سالا نوودە ل پێشیا سەربازێن فەرەنسی ل ئۆردنێ تەكەز كر كو هێزێن فەرەنسی ژ سووریێ ڤەناكشن هەتا كو رێخستنا تیرۆرستی یا داعشێ ب یەكجاری وەرە ژناڤبرن .
ز.ح

449