سەركردیەك كورد بەحسا ناڤچەیا ئەولەهكار ل كوردستانا سووریێ دكە

سەركردەیەك كوردێ سووریێ دوه، د گۆتارەكە رۆژنامەڤانی دە بەحسا ناڤچەیا هێمن ئەولەهكار كر یا كو سەرۆكێ ئەمەریكا دۆنالد ترامپ ل كوردستانا سووریێ بەحسكربوو وتوركیێ رازی بوو ل سەر.

ئەندامی كۆمیتا سیاسی یا پارتییا یەكیتییا كوردستانی – سوریا فۆاد علیكۆ گۆت:" چارەنڤیسا رۆژهلاتێ چەمێ فراتی د داویێ دە گرێدایی بریارا ئەمەریكا یە پشتی ڤەكشانا لەشكەری ژ ناڤچەیێ و سێ سیناریۆ نها هەنە دناڤبەرا دەولەتێن تێكلدار ب رەوشا وێ هەرێمی ل سووریێ دە.

علیكۆ هەروها گۆت:" سیناریۆیێ یەكەمین ژ ئالیێ ئەمەریكا ڤە هاتییە پێشنیاركرن كو ناچەیەكێ ئەولەهكار ل خوەدگرە وبدرێژاییا (20) میلان ئانگۆ زێدەتری 32 كیلۆمتران ل سنۆریێ دناڤبەرا توركیێ وكوردستانا سووریێ دە و ئەمن وئەولەهییا ناڤچەیێ دكە ئەستویێ پێكهاتەیێن ناڤچەیێ بخوە ژ كورد وعەرە و پێكهاتەیێن دن".

وئەڤ ناڤچەیە دێ دبن سەرپەرشتیا هەڤپەیمانییا ناڤدەولەتی و ب هەماهنگی ب توركیێ رە بە ژبۆ كو توركیێ بكەڤە وێ باوەریێ دە كو ژ چەكدارین پەیەدێ ودوور و چ مەترسییا وان لەر وێ نینە، هەتا كو چارسەریەكە سیاسی ل سووریێ چێ ببە.

علیكۆ هەروها دا زانین كو ئەڤە پێشنیارا هەری لۆژیكی سیاسی ژبۆ دەڤەرا مە ژ شەرەكی وێرانكەر بێ پاراستن و ئالیكاربە ژبۆ ڤەگەرا پەنابەران و ئاڤاكرنا ناڤچەیێ و ئاكتیڤكرنا ژیانا ئابۆری ژبۆ هەمی ئالییان.

علیكو هەورها گۆت دێ باجا هەری مەزن ژی پەیەدێ دانە ژبەر سیاسەتین خوە یێن شاش و چ بژاردە ل پێشییا وان نەمایە ، تەنێ ئەو مایە خوە باڤێژن همبێزا رێژیمێ بێ بەرامبەر وەكە چاوە ل هەردو تاخێ ئەشەرەفییە و شێخ مەقصود ل حەلەبێ چێ بوو ورێژیم بخوە نە ئامادەیە رستەیەكێ ژبۆ خاترێ چاڤێ رەشی پەیەدێ د دەستۆرا خوە دە بگوهەرە ، ژبەر كو رێژیم دزانە گوهەرتنا دەستۆرێ ل جنێڤێ یە و نە ل دیمەشقێ یە و دێ دبن سەرپەرشتیا ناڤدەولەتی دە بە.

علیكۆ دبێژە سیناریۆیێ دووەم سیناریۆیێ رۆسیێ یە كو ئارمانجا وێ رادەستكرنا ناڤچەیێ ژ رێژیمێ رە بەرامبەر گەرنتیدان ب توركیێ كود ی سنۆرێ وی پاراستی بە ژ ئالیێ رێژیما سووریێ ڤە، وئەڤ بژاردە ژ ئالیێ ئەمەریكا ڤە نایێ پەژراندن و توركیی ژی باوەریێ ب رێژیمێ ناهێنە.

ئەندامێ كۆمیتا سیاسی یا پارتییا یەكیتییا كوردستانی – سوریا فۆاد علیكۆ گۆت :" سیناریۆیێ سیێ ئەوە یە كو توركیێ رژدبە ل سەر دەرباسبوونا لەشكەری ژبۆ وێ ناڤچەیێ وەكە چاوا ل إعزازێ و بابێ وعفرینێ وجرابلسێ رووداوبوو وئەڤ هلبژارە ب تووندیێ ژئالیێ یەمەریكا ڤە نایێ پەژراندن ورۆسیا ژی تا رادەیەكێ نەرازی یە ژبۆ دەربارسبوونا گرۆپێن چەكدار دگەل توركیێ ژبۆ ڤی ناڤچەیێ .

ر.ع

378