رێژیما ئەسەد د بنپێكرنا دەڤەرێن كێمرنا ئاستێ شەر دە لسوریێ بەردەوامە

رێژیما ئەسەد د بنپێكرنا دەڤەرێن كێمرنا ئاستێ شەر دە لسوریێ بەردەوامە

Jan 16 2019

ارك نیوز .. رەوانگەها سوریێ یا مافێ مرۆڤان راگهاند كو هێزێن رێژیما ئەسەد و مێلیسێن بسەرڤە د بنپێكرنا دەڤەرێن كێمكرنا ئاستێ شەر دە بەردەوامە كو د ئەنجاما وان بنپێكرنان دە زیانێن جانی و مادی روو ددن .

رەوانگەها سوریێ یا مافێ مرۆڤان ب بەلگە راگهاند كو رێژیما ئەسەد و هەڤالبەندێن وێ هەر یەك ژ دەڤەرا المنسورا و الراشدین و لێكۆلینێن پراكتیكی ل رۆژئاڤایێ گوندەوارێ حەلەبێ بتوندی بومبەباران كرن د ئەنجامێ دە زیانێن مادی مەزن گهشت مال و ملكێن وەلاتیان .

ل باژارێ حمایێ و گوندەوارێن وێ رەوانگەهێ راگهاند كو ئیرۆ بالافرێن شەركەر یێن رێژیمێ باژارێ اللتامنە لباكورێ گوندەوارێ حمایێ بومبەباران كر هەڤدەمی بومبەبارانكرنا گوندێ حسرایا و دەردۆرا وێ ئارمانج كرن .

وسەربار كر چەكدارێن رێژیمێ و مێلیسێن بسەرڤە دەڤەرا سهل الغاب لرۆژئاڤایێ باكورێ حمایی بتوندی تۆپباران كر د ئەنجامێ دە زیانێن جانی و مادی روو دان .

هەمان رەوانگەهێ دا دیار كرن كو دۆه ژی ل هەردوو بەرەیێن الزیارە و السرمانیە شەر و پەڤچەن دناڤبەرا چەكدارێن رێژیمێ و مێلیسێن بسەرڤە ژ ئالیەكی و گروپێن چەكدار ژ ئالیەكی دنڤە قەومی و گۆت كو دەرەنگیا شەڤا بووری هێزێن رێژیما سوریێ هەژمارەك دەڤەر ل گوندەوارێ حمایێ بتایبەتی دەڤەرا اللتامنە و مۆرك و لحایا بتوندی تۆپباران كرن ئەژی د چارچۆڤەیا بنپێكرنێن رێژیما ئەسەد یێن بەردەوام لژێر دەڤەرێن كێمكرنا ئاستێ شەر لسوریێ .

دەربارێ رۆژهەلاتێ گوندەوارێ ئدلبێ ژی رەوانگەهێ ئەشكەرە كر كو ئیرۆ دانێ سبەهێ هێزێن رێژیمێ دەڤەرا الكتیبە المهجورە لرۆژهەلاتێ گوندەوارێ ئدلبێ ئارمانج كر هەڤدەمی ئاڤێتنا بومبەیێن رۆناهی دار لسەر هەمان دەڤەرێ كو د ئەنجامێ دە هەژمارەك قربانی كەتن .

هەروەها رەوانگەهێ بەریا چەند دەمژمێران بەلاڤ كر كو چەكدارێن رێژیما سوریێ هەژمارەك دەڤەر ل دەردۆرا باژارۆكێ سكیك لباشورێ گوندیوارێ ئدلبێ تۆپباران كر نكو د ئەنجامێ دە زیانێن مادی مەزن روو دان بێ كو توو زیانێن جانی هەبن .

رەوانگەها سوریێ یا مافێ مرۆڤان دیار كر ژی كو هێزێن رێژیما ئەسەد و هەڤپەیمانێن وێ هەر یەك ژ گوندێ المشرفە و الكتیبە المهجورە شەڤا بووری ئارمانج كربوون كو د ئەنجامێ دە هەژمارەك وەلاتیێن سڤیل دناڤبەرا كوشتی و بیرندار دە كەتن .

رەوانگەها سوریێ هەروەها بەلاڤ كر كو رێژیما ئەسەد ومێلیسێن بسەرڤە تا نها د بنپێكرنێن خوە دە لسەر دەڤەرا بێ چەك ل گوندەوارێ ئدلبێ هەروەها ددەڤەرێن كێمكرنا ئاستێ شەر ل هەرچار پارێزگەهێن سوریێ ئەوژی حلب و حما و حمس و ئدلبێ یە بەردەوامە .

ل . ع

262