حه‌شدا شه‌عبی دو ولاتیێن كوردێن روژئاڤایێ كوردستانێ ب تۆمه‌تا ئه‌ندامتيا داعشێ ل پارێزگه‌ها سه‌لاحئه‌لدین يا عێراقى گرتن
ArkNews : میلیسێن حه‌شدا شه‌عبی يا عێراقێ دو ولاتیێن كوردێن روژئاڤایێ كوردستانێ ژ سێيێ حزێرانێ ڤه ب تۆمه‌تا ئه‌ندامتيا داعشا ته‌رۆريست ل پارێزگه‌ها سه‌لاحئه‌لدین يا عێراقى گرتنه .
ژێده‌رنه كوردستاني يێن خوه‌جه‌هي رۆژا ئينێ به‌لاڤكرن,كو جوانه‌كي كورد ژ كۆبانا رۆژئاڤايێ كوردستانێ ب ناڤێ به‌شار دیمو و د ده‌ما كو كار ل سه‌ر ئالاڤا خوه یا بیرلێدانێ ئانكۆ ئالاڤا كۆلانا بیرێن ئاڤێ ده كار دكر, ژ سێيێ حزێرانێڤه ب تۆمه‌تا ئه‌ندامتيا داعشا ته‌رۆريست ژ ئاليێ میلیسێن حه‌شدا شه‌عبی يا عێراقيا سه‌ر ب ئيرانێ ڤه ل گوندێ سه‌عه‌د یێ قه‌زا بێجی ل پارێزگه‌ها سه‌لاحه‌دین يا عێراقێ هاته گرتن.
هه‌مان ژێده‌ران سه‌رباركر , كو ده‌ما كو باڤێ وی ئه‌حمه‌د دیمو , سه‌ره‌دانا ناڤه‌ندا ئه‌وله‌هیێ ل هه‌مان قه‌زایێ كر, ژ بۆ ناسكرنا سه‌ده‌مێن گرتنا كورێ خوه, ئه‌و ژی هات گرتن ...
لگۆرى هن چالاكڤانان كو وان میلسان ئه‌حمه‌د دیمو و كورێ وی ب تۆمه‌تا ته‌ڤلێبونا رێخستنا ته‌رۆرستی یا داعشێ گرتنه ته‌ڤی كو كه‌چا هه‌مان مالباتێ ل سه‌ر ده‌ستێ رێخستنا ته‌رۆرستی یا داعشێ ل كۆبانێ هاتبو شه‌هيدكرن.
411
