ئيران ل سه‌ر مانا خوه ل سوريێ ته‌كه‌ز دكه
شیورمه‌ندێ بلند یێ هێزێن چه‌كدارێن ئیرانى راگهاند كو هه‌بونا چه‌كدارێن وه‌لاتێ وی ل سووریێ ل سه‌ر داخوازا رێژیما سووریێ یه وته‌كه‌ز كر كو مانا وان گریدایه ب مانا ته‌رورێ د ده‌ڤه‌رێ ده .
شیورمه‌ندێ بلند یێ هێزێن چه‌كدارێن ئیرانى لوائ حسن فیروز ئابادى ژ ئاژانسا إرنا یا ئیرانى ره دیاركر كو هه‌بونا چه‌كدارێن وان ل سووریێ ل سه‌ر داخوازا رێژیما سووریێ و ژ بو ئالیكاریا وێ یه وئه‌شكه‌ره كر كو بته‌نێ شێوه‌رمه‌ندێن ئیرانى ل سووریێ نه وتو چه‌كدارێن وان نینه .
ئابادی ئه‌شكه‌ره كر كو ژ بو شه‌رێ ته‌رورێ رێژیما سووریێ داخواز ژ ئیرانێ كر كو شێوه‌رمه‌ندێن خوه بشینن سووریێ وته‌كه‌ز كر كو مانا وان د ده‌ستێ رێژیما سووریێ ده‌یه .
ئه‌ڤ یه‌ك تێ د ده‌مه‌كێ ده كو به‌رده‌فكێ بناڤێ چه‌كدارێن ئیرانی عه‌مید أبو الفدل شكرجی راگهاند كو تو نیازێن ئیران نینه ژ بو ئاڤاكرنا بنگه‌هێن له‌شكه‌ری ل سووریێ ژ به‌ر كو ئه‌ڤ نه د به‌رجه‌وه‌ندیێن وێ ده نه وتو پیویستیا وێ نینه .
به‌ریا نه‌ها ژی گه‌له‌ك جاران شێوه‌رمه‌ندێ ئیرانى عه‌لی ئه‌كبر ویلایه‌تی رادگهاند كو هه‌بونا ئیرانى د سووریا وعیراقێ ده بته‌نێ د وارێ شیوه‌رمه‌ندیێ ده یه وئامه‌ده‌بونا وه‌لاتێ خوه دیاركر ژ بو ڤه‌كشاندنا وان شیوه‌رمه‌ندان ئه‌گه‌ر شام وبه‌غداد داخوازا ڤێ یه‌كێ بكن .
تێ زانین كو ب ده‌هان بنگه‌هێن له‌شكه‌ری ئیرانى ل سووریێ هه‌نه هه‌روه‌ها ب هه‌زاران چه‌كدارێن ئیرانى ل سووریێ ژ ده‌ستپێكا شه‌رێ سووریێ ل سووریێ بجه بونه و لته‌نشتنا رێّژیما سووریێ شه‌ر دكن .
294
