سهروك بارزانى: پيويسته كوردێن سووريێ باجا گوههرتنێن دهڤهرێ نهدن
سهروك مسعود بارزانى رامان وپلانێن خوه دهربارێ پێشهاتهیێن داوى یێن سیاسی ومهیدانى ل سووریێ بگشتى ویێن ههرێمێن كوردى ل روژئاڤایی چهمێ فهراتێ بتایبهتى دیاركر .
سهروك بارزانى د پێشوازیا وهزیرێ دهرڤه یێ فهرهنسا جان ئیف لودریان ده بهحسا رهوشا سووریێ بگشتی ویا كوردستانا سووریێ بتایبهتی كرن كو تێده سهروك بارزانى پلانێن خوه ژ لوردیان ره دیاركر .
سهروك بارزانی فكارا خوه دهربارێ چارهنڤیسا ملهتێ كورد ل كوردستانا سووریێ ژ لوردیان ره دیاركر وتهكهز كر كو پیویسته كورد وهرن پاراستن ههڤدهمێ گوههرتنێن كو د دهڤهرێ ده روددن .
ههر د ههڤدیتنا خوه ل گهل وهزیرێ دهرڤه یێ فهرهنسا سهروك بارزانی مهترسیا خوه دهربارێ كو كورد ل سووریێ باجا گوههرتنێن د دهڤهرێ ده روددن بدن وتهكهز كر ل پیویستیا پاراستنا كوردێن كوردستانا سووریێ .
سهروك بارزانى د بهشهكی دن ده ئهشكهره كر كو شكهستنا رێخستنا داعشێ ل سووریێ نایێ واتهیا ژناڤبرنا وی ودیاركر كو پیویسته سهدهم وههمو تشتێن كو هزر ورامانێن توندرهو بهلاڤ دكن وهرن ژناڤبرن .
ئهڤ ههڤدیتن تێ د دهمهكێ ده كو ئهمهریكا بریار دا كو هێزێن خوه یێ لهشكهری ژ سووریێ ڤهكشینن ههڤدهمی كو توركیا خوه ئاماده دكه ژ بو ئیریشێ ل سهر دهڤهرێن سینوری ل كوردستانا سووریێ .
414